‘ପୁଷ୍ପା-୨’ର ପ୍ରିମିୟର ସୋ ସମୟରେ ଜଣେ ମହିଳାଙ୍କ ମୃତ୍ୟୁ ଘଟଣାରେ ପବନ କଲ୍ଯାଣଙ୍କ ପ୍ରତିକ୍ରିୟା

ପବନ କଲ୍ୟାଣ କହିଛନ୍ତି, “ଆଇନ ସମସ୍ତଙ୍କ ପାଇଁ ସମାନ ଏବଂ ମୁଁ ଏଭଳି ଘଟଣାରେ ପୁଲିସକୁ ଦାୟୀ କରିବି ନାହିଁ। ସେମାନେ ଜନସାଧାରଣଙ୍କ ସୁରକ୍ଷାକୁ ଦୃଷ୍ଟିରେ ରଖି କାର୍ଯ୍ୟ କରନ୍ତି। ଏହି ଘଟଣା ଘଟିବା ପରେ ଅଲ୍ଲୁ ଅର୍ଜୁନ ବ‌ା ତାଙ୍କ ତରଫରୁ କେହି ମୃତକଙ୍କ ଘରକୁ ଯାଇ ସେମାନଙ୍କୁ ଭେଟିବାର ଥିଲା। ସେମାନଙ୍କୁ ଅନୁଭବ କରାଇବାର ଥିଲା ‌ଯେ, ପରିବାରକୁ ସମର୍ଥନ କରିବା ପାଇଁ ଆମେ ସମସ୍ତେ ଏଠାରେ ଅଛୁ ଏବଂ ନିଜ ଭୁଲ ପାଇଁ ଅନୁତାପ କରୁଛୁ। ହେଲେ କେହି ଏଭଳି କଲେ ନାହିଁ। ସମସ୍ତେ ଆର୍ଥିକ ସହାୟତା ଦେଇଥିଲେ ହେଲେ ମାନବିକତା ଦେଖାଇନଥିଲେ।”