ହସ୍ପିଟାଲ ବେଡରେ ଆଖି ବୁଜିଦେଲେ ହ୍ୟୁମାନ ସାଗର
ଜୀବନ ଯୁଦ୍ଧରେ ହାରିଗଲେ ହ୍ୟୁମାନ ସାଗର । ହସ୍ପିଟାଲ ବେଡରେ ଆଖି ବୁଜିଦେଲେ ଓଡ଼ିଶାର ଅରିଜିତ ସିଂ । କିଡନି ଓ ଲିଭର ଜନିତ ରୋଗରେ ଦୀର୍ଘ ଦିନ ଧରି ଅସୁସ୍ଥ ଥିବା ହ୍ୟୁମାନ ଆଜି ସମସ୍ତଙ୍କୁ ଛାଡ଼ି ଚାଲି ଯାଇଛନ୍ତି, ଆଧୁନିକ ଓଡ଼ିଆ ସଂଗୀତ ଜଗତ ହ୍ୟୁମାନଙ୍କୁ ହରାଇ ସ୍ତବ୍ଧ ହୋଇଯାଇଛି ।ଗତ କିଛି ମାସ ହେବ ଶ୍ୱାସକ୍ରିୟା ଜନିତ ଅସୁବିଧା, ନିମୋନିଆ, ହେପାଟୋପାଥି, ଥ୍ରୋମ୍ବୋସାଇଟୋପେନିଆ ଓ କୋଆଗୁଲୋପାଥିରେ ପୀଡ଼ିତ ଥିଲେ ହ୍ୟୁମାନ ।
କଟକର ଏକ ଘରୋଇ ହସ୍ପିଟାଲରେ କିଛି ଦିନ ଚିକିତ୍ସିତ ହେଉଥିଲେ ବି ସ୍ୱାସ୍ଥ୍ୟ କ୍ଷେତ୍ରରେ ଉନ୍ନତି ହେଉନଥିଲା । ଗତ ଶୁକ୍ରବାର ଦିନ ତାଙ୍କ ସ୍ୱାସ୍ଥ୍ୟାବସ୍ଥା ବିଗିଡିବାରୁ ତାଙ୍କୁ ଭୁବନେଶ୍ୱର ଏମ୍ସରେ ଭର୍ତ୍ତି କରାଯାଇଥିଲା । ଏପରିକି ଭେଣ୍ଟିଲେଟର୍ ସହାୟତାରେ ମଧ୍ୟ ରଖାଯାଇଥିଲା । ଡାକ୍ତରଙ୍କ ସତଚେଷ୍ଟା ପରେ ବି ହ୍ୟୁମାନ୍ ଅଫେରା ରାଇଜକୁ ଚାଲିଯାଇଛନ୍ତି, ଆଉ ସମସ୍ତଙ୍କ ଆଖିକୁ ଭିଜେଇ ଦେଇଯାଇ ଚିନନିଦ୍ରାରେ ଶୋଇ ପଡିଛନ୍ତି ଭଏସ ଅଫ ଓଡ଼ିଶାର ଭର୍ସାଟାଇଲ ସିଙ୍ଗର ।
ସତରେ ବଲିଉଡ ଭଳି ଓଲିଉଡକୁ ବି କାହା ନଜର ଲାଗିଗଲା କେଜାଣି ! ମାତ୍ର ୩୪ ବର୍ଷର ଯୁବ ଗାୟକ ହ୍ୟୁମାନ ନିଜ ମେଲୋଡିୟସ ସ୍ୱରରେ ମତୁଆଲା କରୁଥିଲେ । ଖାସ କରି ଓଡ଼ିଆ ଚଳଚ୍ଚିତ୍ର ଓ ଆଲବମରେ ଅନେକ ରୋମାଣ୍ଟିକ ଗୀତ ଗାଇ ସେ ଘରେ ଘରେ ସମସ୍ତଙ୍କ ହୃଦୟରେ ରାଜ କରୁଥିଲେ ହ୍ୟୁମାନ । ଏଵେ ହ୍ୟୁମାନଙ୍କୁ ହରାଇ ପୂରା ଭାଙ୍ଗି ପଡିଛି ଓଡ଼ିଆ ସଂଗୀତ ଜଗତ । ତାଙ୍କ ବିୟୋଗରେ ଓଡ଼ିଆ ସଙ୍ଗୀତ ଜଗତରେ ଶୋକର ଛାୟା ଖେଳିଯାଇଛି ।
ହ୍ୟୁମାନ ସାଗରଙ୍କ ଦ୍ୱାରା ଗାଇଥିବା କିଛି ଅତ୍ୟନ୍ତ ଲୋକପ୍ରିୟ ଏବଂ ଅଭୁଲା ଗୀତ
ଇସ୍କ ତୁ ହି ତୁ : ଏହି ଗୀତ ଗାଇ ସେ ସର୍ବପ୍ରଥମେ ଅଧିକ ଖ୍ୟାତି ଅର୍ଜନ କରିଥିଲେ।
ଅଗସ୍ତ୍ୟା (Agastya): ଫିଲ୍ମର ଟାଇଟଲ୍ ଟ୍ରାକ୍।
ବେବି (Baby): ଫିଲ୍ମର ଟାଇଟଲ୍ ସଙ୍ଗ।
ଗପ ହେଲେ ବି ସତ
ଅଭୟ (Abhaya)
ହାପି ଲକି
ଶ୍ରୀମାନ ସୁରଦାସ
ସୁନ୍ଦରଗଡ଼ର ସଲମନ ଖାନ
ଟୋକାଟା ଫସିଗଲା
ଚାରିଧାମ