ପଶ୍ଚିମବଙ୍ଗ ଶିକ୍ଷକ ନିଯୁକ୍ତି ଦୁର୍ନୀତି: ଯୋଗ୍ୟତା ନଥାଇ ମିଳିଛି ଚାକିରି

ପାର୍ଥ ଚାଟାର୍ଜୀ ଏବଂ ଅର୍ପିତା ଜେଲକୁ ଯିବା ପରେ ସାମ୍ନାକୁ ଆସୁଛି ପଶ୍ଚିମବଙ୍ଗ ଶିକ୍ଷକ ଦୁର୍ନୀତି ମାମଲାର ଅନେକ ଅଭିଯୋଗ । କେଉଁଠି ଜାଲ ସାର୍ଟିଫିକେଟ ଦେଇ ନିଯୁକ୍ତି ହୋଇଥିବା ବେଳେ କେଉଁଠି ମାତ୍ର ଷଷ୍ଠ ଶ୍ରେଣୀ ପର୍ଯ୍ୟନ୍ତ ପଢିଥିବା ଜଣେ ପ୍ରାର୍ଥୀଙ୍କୁ ଚାକିରି ମିଳିଛି। ଏମିତିକି ନିଯୁକ୍ତି ପରୀକ୍ଷା ଦେଇନଥିବା ପ୍ରାର୍ଥୀଙ୍କୁ ବି ମୋଟା ଲାଞ୍ଚ ଦ୍ୱାରା ମନୋନୀତ କରାଯାଇଥିଲା ।କେବଳ ଏତିକି ନୁହେଁ ପାର୍ଥ ଚାଟାର୍ଜୀଙ୍କ ପୂର୍ବତନ ଅଙ୍ଗରକ୍ଷୀଙ୍କ ପରିବାରରୁ ୧୩ ଜଣଙ୍କୁ ଶିକ୍ଷା ବିଭାଗରେ ଚାକିରି ମିଳିଥିବା ଜଣାପଡ଼ିଛି । ଏମାନଙ୍କ ମଧ୍ୟରେ ଜଣେ ମହିଳା ଏଭଳି ରହିଛନ୍ତି, ଯିଏ ମାତ୍ର ଷଷ୍ଠ ଶ୍ରେଣୀ ଯାଏଁ ପାଠ ପଢିଛନ୍ତି । ଏହିଭଳି ଭାବେ ଅର୍ପିତାଙ୍କ ସୁପାରିଶ କ୍ରମେ ତାଙ୍କର ସଂପର୍କୀୟଙ୍କୁ ଚାକିରି ମିଳିଥିଲା ।