ସୋମବାରଠୁ ସଂସଦରେ ମୌସୁମୀ ଅଧିବେଶନ

ସୋମବାରଠାରୁ ସଂସଦର ମୈାସୁମୀ ଅଧିବେଶନ ଆରମ୍ଭ ହେବ । ପ୍ରଥମ ଦିନରେ ରାଷ୍ଟ୍ରପତି ନିର୍ବାଚନ ପାଇଁ ଭୋଟ ହେବ । ମୌସୁମୀ ଅଧିବେଶନ ଆରମ୍ଭ ହେବା ପୂର୍ବରୁ ସର୍ବଦଳୀୟ ବୈଠକ ଡକାଯାଇଥିଲା । ଏହି ବୈଠକରେ ଅଧିବେଶନ କିପରି ଶାନ୍ତି ଶୃଙ୍ଖଳାରେ ଚାଲିବ ସେ ନେଇ ଆଲୋଚନା ହୋଇଥିଲା । ଶାସକଦଳ ପକ୍ଷରୁ କେନ୍ଦ୍ରମନ୍ତ୍ରୀ ରାଜନାଥ ସିଂ, ପିୟୁଷ ଗୋଏଲ, ପହ୍ଲାଦ ଜୋଷୀ, ଅର୍ଜୁନ ମେଘୱାଲ ଓ ମୁରଲୀଧରନ ଉପସ୍ଥିତ ଥିଲେ । ସେହିଭଳି କଂଗ୍ରେସ ପକ୍ଷରୁ ମଲ୍ଲିକାର୍ଜୁନ ଖଡଗେ, ଅଧିର ରଞ୍ଜନ ଚୌଧୁରୀ ଓ ଜୟରାମ ରମେଶ ବୈଠକରେ ଉପସ୍ଥିତ ଥିଲେ । ଏନସିପି ପକ୍ଷରୁ ଶରଦ ପାୱାର, ସୁପ୍ରିୟା ସୁଲେ ଉପସ୍ଥିତ ଥିବା ବେଳେ ଜେଡିୟୁରୁ ରାମନାଥ ଠାକୁର, ଆପ୍ ରୁ ସଂଜୟ ସିଂ, ଅକାଳୀ ଦଳରୁ ହରସମିତ କୌର , ଶିବସେନାରୁ ସଂଜୟ ରାୱତ ଓ ବିନାୟକ ରାୱତଙ୍କ ସମେତ ସମାଜବାଦୀ ପାର୍ଟିରୁ ଜାବେଦ ଅଲ୍ଲୀ ଉପସ୍ଥିତ ଥିଲେ । ହେଲେ ବୈଠକରେ ପ୍ରଧାନମନ୍ତ୍ରୀଙ୍କ ଅନୁପସ୍ଥିତି ନେଇ କଂଗ୍ରେସ ଆପତ୍ତି କରିଛି ।