ମେଟ୍ରୋ ଟିଭି ଓଡିଶା,୯/୧: ଅସହ୍ୟ ଶୀତରେ ଥରୁଛି ଉତ୍ତର ଭାରତ । ଜାମ୍ମୁ କାଶ୍ଚୀରର ପରିସ୍ଥିତି ବେହାଲ । ସାଧାରଣ ଲୋକ ଘରୁ ବାହାରିବା ମୁସକିଲ ହେଲାଣି । ଏହି ଭିତରେ ଜଣେ ଯବାନ ବଦାନ୍ୟତା ସାମ୍ନାକୁ ଆସଛି । ଯାହା ଏବେ ହୃଦୟସ୍ପର୍ଶୀ ହୋଇଛି । ଏହି ଯବାନ ଜଣକ ଜଣେ ଗର୍ଭବତୀ ଥିବା ମହିଳାଙ୍କୁ ଡାକ୍ତରଖାନାରେ ପହଞ୍ଚାଇଛନ୍ତି । ଷ୍ଟ୍ରେଚରରେ ବୋହିକି ନେଉଛନ୍ତି ଭାରତୀୟ ସେନାର ଚିନାର କର୍ପସର ଜବାନ । ପ୍ରବଳ ବରଫପାତ ମଧ୍ୟରେ ମହିଳାଙ୍କୁ ବୋହିନେଉଛନ୍ତି । ଦୀର୍ଘ ବାଟ ଯିବା ପରେ ସୋଫିଆନ୍ ଜିଲ୍ଲା ହସପିଟାଲରେ ଭର୍ତ୍ତି କରାଇଥିଲେ । ସୁରକ୍ଷିତ ଭାବରେ ଡାକ୍ତରଖାନାରେ ପହଞ୍ଚଥିଲେ ଗର୍ଭବତୀ । ସେଠାରେ ସେ ଶିଶୁପୁତ୍ରକୁ ଜନ୍ମ କରିଛନ୍ତି । ଚିନାର କର୍ପସର ମାନବିକତାକୁ ଚାରିଆଡୁ ପ୍ରଶଂସାର ସୁଅ ଛୁଟୁଛି । ଶ୍ରୀନଗରସ୍ଥିତ ଚିନାର କର୍ପସ ଭାରତ ପାଇଁ ଚୀନ ଓ ପାକିସ୍ତାନ ବିରୋଧରେ ଠିଆ ହୋଇଛି ।
ସେପଟେ ହିମାଞ୍ଚଳ ପ୍ରଦେଶ ଓ ଜାମ୍ମୁ କାଶ୍ମୀରରେ ପ୍ରବଳ ଥଣ୍ଡା ସାଙ୍ଗକୁ ଜାରି ରହିଛି ବରଫପାତ । ଶ୍ରୀନଗର ସହରରେ ବରଫ ବର୍ଷା ଲାଗି ରହିଥିବାରୁ ବିମାନ ଚଳାଚଳ ବାଧାପ୍ରାପ୍ତ ହୋଇଛି । ଲଗାତାର ବରଫ ବର୍ଷା ଯୋଗୁଁ ହାଡ ଭଙ୍ଗା ଶୀତ ଅନୁଭୁତ ହେଉଛି । ତୁଷାତପାତ ଲାଗି ରହିଥିବାରୁ ଯାନ ବାହାନ ଚଳାଚଳ ବାଧାପ୍ରାପ୍ତ ହୋଇଛି । ସେପଟେ ସୀମାରେ ୧୭ ହଜାର ଫୁଟ ଉଚ୍ଚରେ ଯବାନ ମାନେ ପାଟ୍ରୋଲିଂ କରୁଥିବାର ଦେଖିବାକୁ ମିଳିଛି ।