ମେଟ୍ରୋ ଓଡିଶା (୭ .୪.୨୦୨୨) :
ସରକାରଙ୍କ ପକ୍ଷରୁ ସାହାରା ଗ୍ରୁପର ତିନିଟି କମ୍ପାନୀରେ ଲୋକଙ୍କ ଟଙ୍କା ଜମା କରିବା ଉପରେ ପ୍ରତିବନ୍ଧକ ଲଗାଯାଇଛି। ବୁଧବାର ସରକାର କହିଛନ୍ତି, ସାହାରା ସମୂହର ୩ ଫର୍ମୋ- ସାହାରା କ୍ରେଡିଟ୍ କୋଅପରେଟିଭ୍ ସୋସାଇଟି ଲିମିଟେଡ୍, ସାହାରା ୟୁନିଭର୍ସାଲ ମଲ୍ଟିପର୍ପଜ ସୋସାଇଟି ଲିମିଟେଡ୍ ଓ ହମାରା କ୍ରେଡିଟ୍ କୋ ଅପରେଟିଭ୍ ସୋସାଇଟି ଲିମିଟେଡ୍ ଉପରେ ପ୍ରତିବନ୍ଧକ ଲଗାଇଛନ୍ତି କୋର୍ଟ।
କେନ୍ଦ୍ରୀୟ ସହକାରିତା ମନ୍ତ୍ରାଳୟର ଜଣେ ଅଧିକାରୀ କହିଛନ୍ତି ଯେ ଦିଲ୍ଲୀ ଉଚ୍ଚ ନ୍ୟାୟାଳୟ ୨୨ ମାର୍ଚ୍ଚର ଆଦେଶ ମୁତାବକ, ଉତ୍ତର ପ୍ରଦେଶର ଲକ୍ଷ୍ନୌ ସ୍ଥିତ ସାହାରା କ୍ରେଡିଟ୍ କୋଅପରେଟିଭ୍ ସୋସାଇଟି ଲିମିଟେଡ୍, ଭୋପାଳ ସ୍ଥିତ ସାହାରା ୟୁନିଭର୍ସାଲ ମଲ୍ଟି ପର୍ପଜ ସୋସାଇଟି ଲିମିଟେଡ୍ ଓ ପଶ୍ଚିମବଙ୍ଗ କୋଲକାତା ସ୍ଥିତ ହମାରା ଇଣ୍ଡିଆ କ୍ରେଡିଟ୍ କୋଅପରେଟିଭ୍ ସୋସାଇଟି ଲିମିଟେଡ୍ରେ ଲୋକଙ୍କୁ ଟଙ୍କା ଜମା ରଖିବାକୁ ମନା କରାଯାଇଛି।