ଇସ୍ରାଏଲର ତୁହାକୁତୁହା ବୋମାବର୍ଷା

ଉତ୍ତର ଗାଜାରେ ବେତ୍‌ ଲାହିୟା ଅଞ୍ଚଳରେ ଇସ୍ରାଏଲ ସେନା ମଙ୍ଗଳବାର ଘନ ଘନ ଆକ୍ରମଣ କରିଛି। ଏଠାକାର ଏକ ପାଞ୍ଚ ମହଲା ବିଶିଷ୍ଟ କୋଠାକୁ ବୋମା ମାଡ଼ କରି ଧ୍ବସ୍ତ କରି ଦିଆଯାଇଥିଲା ବେଳେ ଏହି ଘଟଣାରେ ୨୪ ଶିଶୁଙ୍କ ସମେତ ୧୦୯ ଜଣଙ୍କ ମୃତ୍ୟୁ ହୋଇଥିବା କୁହାଯାଇଛି। ଏହାବ୍ୟତୀତ ଏହି ଘଟଣାରେ ଶତାଧିକ ଲୋକ ଆହତ ହୋଇଥିବା ପାଲେଷ୍ଟାଇନ ସ୍ବାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି। ବର୍ତ୍ତମାନ ଗାଜାର ବିଭିନ୍ନ ଶରଣାର୍ଥୀ ଶିବିର କିମ୍ବା ଆଶ୍ରୟସ୍ଥଳଗୁଡିକୁ ନିଶାଣ କରି ଇସ୍ରାଏଲ ସେନା ଆକ୍ରମଣ କରୁଥିବାରୁ ଦିନକୁ ଦିନ ସାଧାରଣ ଲୋକଙ୍କ ମୃତ୍ୟୁସଂଖ୍ୟା ବଢିବାରେ ଲାଗିଛି। ଗାଜାରେ ଇସ୍ରାଏଲ ତୁରନ୍ତ ଆକ୍ରମଣ ବନ୍ଦ କରି ଲୋକମାନଙ୍କୁ ମାନବୀୟ ସହାୟତା ପହଞ୍ଚାଇବାକୁ ଦାବି କରାଯାଇଛି।