ଆଜି ମୁମ୍ବାଇ ସିଟି ଏଫ୍‌ସିକୁ ଭେଟିବ ଓଡ଼ିଶା ଏଫ୍‌ସି

ଘରୋଇ ପରିବେଶରେ ଇଷ୍ଟ୍‌ବେଙ୍ଗଲ୍‌ ଏଫ୍‌ସିକୁ ରୋମାଞ୍ଚକର ଢଙ୍ଗରେ ୨-୧ ଗୋଲ୍‌ରେ ହରାଇବା ପରେ ଓଡ଼ିଶା ଏଫ୍‌ସି ରବିବାର ମୁମ୍ବାଇରେ ମୁମ୍ବାଇ ସିଟି ଏଫ୍‌ସିକୁ ଭେଟିବ। ଆଇଏସ୍‌ଏଲ୍‌ର ଏହି ମହତ୍ତ୍ବପୂର୍ଣ୍ଣ ମୁକାବିଲା ମୁମ୍ବାଇ ଫୁଟ୍‌ବଲ୍ ଏରିନାରେ ଖେଳାଯିବ। ପ୍ରଥମ ଦୁଇଟି ମ୍ୟାଚ୍‌ରେ ଲଗାତାର ପରାଜୟ ବରଣ କରିବା ପରେ ପରବର୍ତ୍ତୀ ତିନିଟି ମ୍ୟାଚ୍‌ରୁ ୭ ପଏଣ୍ଟ୍ ଅର୍ଜନ କରି ଓଡ଼ିଶା ଏଫ୍‌ସି ଏବେ ପୂରା ଫର୍ମରେ ରହିଛି। ମୁମ୍ବାଇ ସିଟି ଏଫ୍‌ସି ବିପକ୍ଷରେ ମଧ୍ୟ ଦଳ ଏହି ଧାରା ବଜାୟ ରଖିବାକୁ ଲକ୍ଷ୍ୟ ରଖିଛି।