ଜମ୍ମୁ କଶ୍ମୀରରେ କିଏ ଗଢ଼ିବ ସରକାର? ବିଜେପି କି କଂଗ୍ରେସ ରାତି ପାହିବାକୁ ଅପେକ୍ଷା

ଜମ୍ମୁ କଶ୍ମୀର କିଏ ସରକାର ଗଢ଼ିବ ? ବିଜେପି ସରକାର ଗଢ଼ିବ କି କଂଗ୍ରେସ ମେଂଟ ! ତେବେ ନ୍ୟାସନାଲ କନଫରେନ୍ସ ମୁଖ୍ୟ ଫାରୁକ ଅବଦୁଲ୍ଲା ଏକ ବଡ଼ ବୟାନଦେଇଛନ୍ତି। ସେ କହିଛନ୍ତି, ଆମେ କୌଣସି ସମୟରେ ଭାଜପା ସହିତ ଯିବୁ ନାହିଁ। ଏକଜିଟ ପୋଲ ସହ ଜଡିତ ପ୍ରଶ୍ନ ଉପରେ ଜମ୍ମୁ କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ କହିଛନ୍ତି ଯେ ଏକଜିଟ ପୋଲ ମଧ୍ୟ ଭୁଲ ପ୍ରମାଣିତ ହୋଇପାରେ। ତେଣୁ, ଫଳାଫଳ ପରେ ହିଁ କିଛି କହିବା ଠିକ ହେବ। ତେବେ ତାଙ୍କ ପୁଅ ଓମାର ଅବଦୁଲ୍ଲା ମୁଖ୍ୟମନ୍ତ୍ରୀ ହେବେ ବୋଲି ସେ ଆଶାବାଦୀ ଅଛନ୍ତି ।
ଏଥର ନ୍ୟାସନାଲ କନଫରେନ୍ସ ଜମ୍ମୁ କଶ୍ମୀରରେ କଂଗ୍ରେସ ସହିତ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲା। ଅଧିକାଂଶ ଏକଜିଟ ପୋଲ୍‌ରେ କଂଗ୍ରେସ-ଏନସି ସର୍ବାଧିକ ସିଟ ପାଇବାକୁ ଦର୍ଶାଉଛି। ତେବେ ମତଦାନରେ କେହି ସଂଖ୍ୟାଗରିଷ୍ଠତା ହାସଲ କରୁଥିବା ଜଣାପଡି ନାହିଁ। ଏଭଳି ପରିସ୍ଥିତିରେ ରାଜ୍ୟରେ ଝୁଲା ବିଧାନସଭା ହେବାର ସମ୍ଭାବନା ରହିଛି। ଯଦି ସେପରି ହୁଏ ତେବେ କେନ୍ଦ୍ର ନିଷ୍ପତ୍ତି ନେବ କିଏ ସରକାର ଗଠନ କରିବ ।