ଇସ୍ରାଏଲ ଉପରକୁ ୧୦୦ରୁ ଅଧିକ କ୍ଷେପଣାସ୍ତ୍ର ନିକ୍ଷେପ କଲା ଇରାନ, ଘାଇଲା ଇରାନ

ତେଲ୍ ଅଭିଭ୍ : ଯାହା ଆଶା କରାଯାଉଥିଲା ତାହା ହୋଇଛି । ଇସ୍ରାଏଲ ଉପରେ ଇରାନ ମଙ୍ଗଳବାର ଆକ୍ରମଣ କରିଛି । ହିଜବୁଲ୍ଲା ଉପରେ ଇସ୍ରାଏଲ ଆକ୍ରମଣର ପ୍ରତିଶୋଧ ନେବାକୁ ଏପରି କରିଛି । ତେବେ ଇରାନ ଉପରକୁ ୧୦୦ରୁ ଅଧିକ କ୍ଷେପଣାସ୍ତ୍ର ନିକ୍ଷେପ କରିଥିବା କହିଛି। ଏହା ସହିତ ଇରାନ ଓ ଇସ୍ରାଏଲ ମଧ୍ୟରେ ସିଧାସଳଖ ଯୁଦ୍ଧ ଆରମ୍ଭ ହେବାର ଆଶଙ୍କା ବଢିଯାଇଛି । ଇରାନ ଏହାର ଭୟଙ୍କର ପରିଣାମ ଭୋଗିବ ବୋଲି ଇସ୍ରାଏଲ ପ୍ରଧାନମନ୍ତ୍ରୀ ନେତ୍ୟାନହୁ ଧମକ ଦେଇଛନ୍ତି । ଇସ୍ରାଏଲରେ ଇରାନୀ କ୍ଷେପଣାସ୍ତ୍ର ପହଞ୍ଚିବା ମାତ୍ରେ ଇସ୍ରାଏଲରେ ସାଇରନ୍ ବାଜିଥିଲା ଏବଂ ତେଲ ଆଭିବର ସମସ୍ତ ନାଗରିକଙ୍କୁ ବୋମା ଆଶ୍ରୟସ୍ଥଳକୁ ପଠାଯାଇଥିଲା। ଇରାନର ଆକ୍ରମଣର ଜବାବରେ ଆମେରିକା ମଧ୍ୟ ଏହାର ଭୟାବହ ପରିଣାମ ଭୋଗିବାକୁ ଚେତାବନୀ ଦେଇଛି।

ସେପଟେ ହିଜବୁଲ୍ଲା ବିରୋଧରେ ଇସ୍ରାଏଲ୍ ସେନା ନିଜର କାର୍ଯ୍ୟକୁ ତୀବ୍ର କରିଛି। ବର୍ତ୍ତମାନ ହିଜବୁଲ୍ଲା ପଦବୀ ବିରୋଧରେ ସାମରିକ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ଏହା ଲେବାନନରେ ପ୍ରବେଶ କରିଛି। ଇସ୍ରାଏଲ ଜାରି ଆକ୍ରମଣ ବିଷୟରେ ଆମେରିକାକୁ ଅବଗତ କରାଇଛି, କିନ୍ତୁ ଇସ୍ରାଏଲ ଏକ ବଡ଼ ଅପରେସନ ପାଇଁ ଯୋଜନାଗୁଡ଼ିକର ସମୟ ବିଷୟରେ କୌଣସି ସୂଚନା ଦେଇନାହିଁ। କେବଳ ଏତିକି ନୁହେଁ, ଏହି ଆକ୍ରମଣ ପାଇଁ ଇସ୍ରାଏଲ ସେନାକୁ ମଧ୍ୟ ପୂର୍ଣ୍ଣ କ୍ଷମତା ପ୍ରଦାନ କରାଯାଇଛି। ଆମେରିକା ଏବଂ ମଧ୍ୟ ଏସିଆର କିଛି ଦେଶ ଏହି ଆକ୍ରମଣରେ ଇସ୍ରାଏଲକୁ ସମର୍ଥନ କରିବେ ବୋଲି କହିଛନ୍ତି।