ଇରାନ ବାଣ ମହୋତ୍ସବରେ ବିସ୍ଫୋରଣ – ୧୫ ମୃତ, ୪ ହଜାରରୁ ଅଧିକ ଆହତ

ଇରାନର ବାଣ ମହୋତ୍ସବରେ ବିସ୍ଫୋରଣ ଘଟି ୧୫ ଜଣଙ୍କ ମୃତ୍ୟୁ ଘଟିଥିବା ବେଳେ ୪ ହଜାର ଲୋକ ଆହତ ହୋଇଛନ୍ତି। ଏହି ଘଟଣା ରାଜଧାନୀ ତେହେରାନରେ ଘଟିଛି ଯେଉଁଠାରେ ନଓରୁଜ ପୂର୍ବରୁ ଇରାନୀମାନେ ଗତ ବୁଧବାର ଦିନ ପାଳନ କରିବାକୁ ଏକତ୍ରିତ ହୋଇଥିଲେ।ଇରାନ ଜାତୀୟ ମେଡିକାଲ ଜରୁରୀକାଳୀନ ସଂଗଠନର ମୁଖପାତ୍ର କହିଛନ୍ତି ଯେ ଚଳିତ ବର୍ଷ ଆହତଙ୍କ ମଧ୍ୟରୁ ୭୨ ପ୍ରତିଶତ ୨୨ ବର୍ଷରୁ କମ୍ ବୟସର। ଫେବ୍ରୁଆରି ୨୦ରୁ ମାର୍ଚ୍ଚ ୧୨ ମଧ୍ୟରେ ହୋଇଥିବା ଏହି ଉତ୍ସବରେ ଆହତ ହୋଇଥିବା ଲୋକଙ୍କ ମଧ୍ୟରୁ ୫୬୫ ଜଣ ଏବେ ବି ଡାକ୍ତରଖାନାରେ ଭର୍ତ୍ତି ହୋଇଥିବା ବେଳେ ୩୮ ଜଣ ଆଇସିୟୁରେ ଅଛନ୍ତି। ଏବେ ବି ୪ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି।ଗତବର୍ଷ ତୁଳନାରେ ଚଳିତ ବର୍ଷ ମୃତ୍ୟୁ ସଂଖ୍ୟାରେ ୨୧ ପ୍ରତିଶତ ଏବଂ ଆହତଙ୍କ ସଂଖ୍ୟାରେ ୧୩ ପ୍ରତିଶତ ବୃଦ୍ଧି ଘଟିଥିବାରୁ ଅଗ୍ନିକାଣ୍ଡର ଗମ୍ଭୀର ପରିଣାମ ଦେଖିବାକୁ ମିଳିଛି ବୋଲି କୁହାଯାଇଛି। ଚଳିତ ବର୍ଷ ବିସ୍ଫୋରଣରେ ୨୫୭ ଜଣଙ୍କ ମୃତ୍ୟୁ ହୋଇଥିବା ବେଳେ ୧୫୯୪ ଜଣ ଆଖିରେ ଆଘାତ ପାଇଥିଲେ। ଏହି ଅଗ୍ନିକାଣ୍ଡରେ ୧୨୦୦ରୁ ଅଧିକ ଲୋକ ପୋଡ଼ି ଯାଇଥିବା ମୁଖପାତ୍ର ସୂଚନା ଦେଇଛନ୍ତି।