ଭି ଗାର୍ଡର ନୂତନ ଉତ୍ପାଦ ଉନ୍ମୋଚିତ

ବୈଦ୍ୟୁତିକ ସାମଗ୍ରୀ ଉତ୍ପାଦକ କମ୍ପାନୀ ଭି ଗାର୍ଡ ଇଣ୍ଡିଆ ପକ୍ଷରୁ ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ନୂତନ ଉତ୍ପାଦ ତଥା ବିଏଲ୍‌ଡିସି ହାଇସ୍ପିଡ୍‌ ଫ୍ୟାନ୍‌ ‘ଇନ୍‌ସାଇଟ-ଜି’ କୁ ନିକଟରେ ସର୍ବଭାରତୀୟ ଉନ୍ମୋଚନ ହୋଇଯାଇଛି। ଉଲ୍ଲେଖଯୋଗ୍ୟ, ମୁମ୍ବାଇର ଜିଓ ସେଣ୍ଟରଠାରେ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ କମ୍ପାନୀର ଉକ୍ତ ଉତ୍ପାଦକୁ ଆନୁଷ୍ଠାନିକ ଭାବେ ଅନାବରଣ ସହ ବଜାର ପ୍ରବେଶ ସମ୍ପର୍କରେ ଘୋଷଣା କରାଯାଇଥିଲା। ବିଶେଷକରି ଉନ୍ନତ ଜ୍ଞାନକୌଶଳ ସହ ଅତ୍ୟାଧୁନିକ ସୁବିଧା ଉପଲବ୍ଧ ଥିବା ଏହି ଫ୍ୟାନ୍‌ରେ ଅନେକ ସୁବିଧା ପ୍ରଦାନ କରାଯାଉଛି। ଏପରିକି ୫ ବର୍ଷିଆ ଓ୍ବାରେଣ୍ଟି ସହ ୫ ତାରକା ରେଟିଂ ଦିଆଯାଉଛି।କମ୍ପାନୀର ଉକ୍ତ ମଡେଲ ୧୨ଟି ରଙ୍ଗରେ ଉପଲବ୍ଧ ହେଉଥିବାବେଳେ ବିଦ୍ୟୁତ୍‌ ସଞ୍ଚୟ ସାଙ୍ଗକୁ ବାର୍ଷିକ ୧୫୧୮ ଟଙ୍କାର ଆର୍ଥିକ ସଞ୍ଚୟ ମଧ୍ୟ ହିତାଧିକାରୀମାନେ ବିଦ୍ୟୁତ୍‌ ବିଲ୍‌ ଉପରେ ପାଇଥାନ୍ତି। ଏ ସମ୍ପର୍କରେ ଭି ଗାର୍ଡ ଇଣ୍ଡଷ୍ଟ୍ରିଜ୍‌ ଲିମିଟେଡ୍‌ର ନିର୍ଦ୍ଦେଶକ ଏବଂ ସିଓଓ ରାମଚନ୍ଦ୍ରନ କହିଥିଲେ, ଆମେ ସର୍ବଦା ଗ୍ରାହକଙ୍କ ଚାହିଦା ଓ ବଜାରରେ ପ୍ରଥମ ଧରଣର ଉତ୍ପାଦ ପ୍ରବେଶ କରାଇବାକୁ ପ୍ରୟାସ କରିଥାଉ। କମ୍ପାନୀର ଉକ୍ତ ନୂତନ ଉତ୍ପାଦକୁ ବଜାର ପ୍ରବେଶ କରାଇ ବେଶ୍‌ ଉତ୍ସାହିତ ଅଛୁ।