Entertainment

ତିନି ମିନିଟରେ ୫କୋଟି ନେଲେ ସମନ୍ଥା

ବଲିଉଡରେ ଡେବ୍ୟୁ କରିବେ ସାମନ୍ଥା

ମେଟ୍ରୋ ଟିଭି ଓଡିଶା,୧୭/୧: ଚର୍ଚ୍ଚାରେ ସାଉଥ ସୁନ୍ଦରୀ ସମନ୍ଥା ରୁଥ ପ୍ରଭୁ । ନିଜର ଆଇଟମ ଗୀତରେ ନାଚି ବକ୍ସ ଅଫିସରେ ଧମାଲ କରିଦେଇଛନ୍ତି ସେ । ନିଜର ଜଲୱା ଓ ହଟ୍ ଡାନ୍ସରେ ଦର୍ଶକଙ୍କ ମନକୁ ମୋହିତ କରିଦେଇଛନ୍ତି । ନାଗା ଚୈତନ୍ୟଙ୍କ ଠାରୁ ଛାଡପତ୍ର ପରେ ବଢ଼ିଛି ତାଙ୍କ ଦାମ୍। ପୁଷ୍ପା ଫିଲ୍ମରେ ଆଇଟମ ପାଇ ୩ମିନିଟର ଡାନ୍ସ ପାଇ ୫କୋଟି ଟଙ୍କା ଚାର୍ଜ କରିଛନ୍ତି ସମନ୍ଥା ।
ସୂଚନା ଅନୁସାରେ , ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ରିଲିଜ ହୋଇଥିବା ଫିଲ୍ମ ‘ପୁଷ୍ପା’ ଏବେବି ବକ୍ସ ଅଫିସରେ ଧମାଲ କରୁଛି। ଏହି ଫିଲ୍ମକୁ ଦର୍ଶକ ଏବଂ କ୍ରିଟିକ୍ସଙ୍କ ଭଲ ରେସ୍‌ପନ୍ସ ମିଳିଛି। ଏହି ଫିଲ୍ମରେ ଥିବା ଅଭିନେତ୍ରୀ ସମନ୍ଥାଙ୍କ ଆଇଟମ ଗୀତ ଏବେ ଚର୍ଚ୍ଚାରେ। ଦର୍ଶକଙ୍କୁ ଏହି ଗୀତ ବେଶ୍ ପସନ୍ଦ ଆସୁଛି। ଏହି ଗୀତରେ ସମନ୍ଥା ଜବରଦସ୍ତ ଡ୍ୟାନ୍ସ ମଧ୍ୟ କରିଛନ୍ତି। ଏହା ତାଙ୍କର ପ୍ରଥମ ଆଇଟମ୍ ଗୀତ। କେବଳ ୩ ମିନିଟ୍ର ଗୀତ ପାଇଁ ସେ ନେଇଛନ୍ତି ୫ କୋଟି ଟଙ୍କା। ସମନ୍ଥାଙ୍କ ଆଇଟମ୍ ଗୀତ ‘ଓ ଅନ୍ତାୱା’ କେବଳ ଫ୍ୟାନ୍‌ମାନଙ୍କ ମଧ୍ୟରେ ନୁହେଁ ସେଲେବ୍ରିଟିଙ୍କ ମଧ୍ୟରେ ବି ବେଶ୍ ପପୁଲାର ହୋଇଛି।
ରିପୋର୍ଟ ଅନୁସାରେ, ଏହି ଗୀତ ପାଇଁ ପ୍ରଥମେ ସମନ୍ଥା ରାଜି ନଥିଲେ, କାରଣ ଏହା ଏକ ଆଇଟମ ଗୀତ ଥିଲା। ପୂର୍ବରୁ କେବେ ଆଇଟମ ଗୀତରେ ନାଚି ନଥିବା ସମନ୍ଥାଙ୍କୁ ପରେ ଅଭିନେତା ଅଲ୍ଲୁ ଅର୍ଜୁନ ବୁଝାଇଥିଲେ। ଏହାପରେ ଏହି ଗୀତରେ ଅଭିନୟ କରିବା ପାଇଁ ରାଜି ହୋଇଥିଲେ ସମନ୍ଥା। ଆଉ ଏହି ଗୀତରେ ଡ୍ୟାନ୍ସ କରିବା ପାଇଁ କଠିନ ପରିଶ୍ରମ କରିଥିଲେ। ଡିସେମ୍ବର ୧୭ ତାରିଖରେ ରିଲିଜ ହୋଇଥିବା ଫିଲ୍ମ ‘ପୁଷ୍ପା’ ବର୍ତ୍ତମାନ ସୁଦ୍ଧା ବକ୍ସ ଅଫିସରେୋ ୩୦୦ କୋଟିରୁ ଅଧିକ ଟଙ୍କାର ବ୍ୟବସାୟ କରିସାରିଲାଣି।