ବିଜେପି ଫୋକସରେ ଓଡ଼ିଶା

ଓଡ଼ିଶା ଉପରେ ଏବେ ବିଜେପିର ଆଖି। ଆଉ ଦେଢ଼ ବର୍ଷ ରହିଲା ସାଧାରଣ ନିର୍ବାଚନ । ତା ପୂର୍ବରୁ ଦଳ ସଜାଡିବାକୁ ବିଜେପି ଏବେ ସଂଗଠନ ସଜାଡିବାକୁ ଲାଗିିଛି । ଓଡ଼ିଶା ପାଇଁ ନୂଆ ପ୍ରଭାରୀ ସୁନିଲ ବଂଶଲଙ୍କୁ ନିଯୁକ୍ତି ଦିଆଯିବା ପରେ ଏବେ ରାଜ୍ୟକୁ କେନ୍ଦ୍ରମନ୍ତ୍ରୀଙ୍କ ଘନ ଘନ ଗସ୍ତ ହେଉଛି । ଏହାରି ଭିତରେ ଗତକାଲି କେନ୍ଦ୍ର ମନ୍ତ୍ରୀ ବିଶ୍ବେଶ୍ବର ଟୁଡୁ କହିଛନ୍ତି ଆମେ 2024ରେ ସରକାର ଗଠନ କରିବୁ । କାରଣ ସିବିଆଇ ଏବଂ ଇଡି ଆଗାମୀ ଦିନରେ ବହୁ ନେତାଙ୍କୁ ଗିରଫ କରିପାରେ । ଯାହା ଫଳରେ ବିଜେଡିରେ ଫାଟ ସୃଷ୍ଟି ହୋଇପାରେ । ଏବେ କେନ୍ଦ୍ର ମନ୍ତ୍ରୀମାନଙ୍କ ଓଡ଼ିଶାକୁ ତୁହାକୁତୁହା ଗସ୍ତ ଫଳରେ ରାଜ୍ୟ ରାଜନୀତି ସରଗରମ ହେଲାଣି। ଏପଟେ ଓଡ଼ିଶାରୁ ରାଷ୍ଟ୍ରପତି ପ୍ରାର୍ଥୀ ଚୟନ ପରେ ଏବେ ନୂଆଦିଲ୍ଲୀରେ ଭିନ୍ନ ଏକ ଚର୍ଚ୍ଚା ଆରମ୍ଭ ହୋଇଛି। ଆଗକୁ କିଛି ରାଜ୍ୟରେ ନୂଆ ରାଜ୍ୟପାଳ ନିଯୁକ୍ତି ଓ ରାଜ୍ୟସଭାର ଖାଲି ପଡ଼ିଥିବା ତିନି ମନୋନୀତ ସଦ୍ୟସଙ୍କ ଚୟନ ପ୍ରସଙ୍ଗ ବେଳେ ମଧ୍ୟ ଓଡ଼ିଶାକୁ ଗୁରୁତ୍ବ ମିଳିବ ବୋଲି ରାଜନୈତିକ ମହଲରେ ଚର୍ଚ୍ଚା ଆରମ୍ଭ ହୋଇଗଲାଣି। ତେବେ ଆଗାମୀ ଦିନରେ ଦେଖାଯିବ ବିଜେପି ର ରଣନୀତିରେ ବିଜେଡିକୁ କିଭଳି ଟକ୍କର ଦେଉଛି ବିଜେପି ।