ପରିବାରବାଦ ଦେଶପାଇଁ ଘାତକ

ସୋମବାର ସାରାଦେଶ ୭୬ ତମ ସ୍ୱାଧୀନତା ଦିବସ ପାଳନ କରୁଛି । ଏହି ଅବସରରେ ଲାଲକିଲ୍ଲାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସାରାଦେଶକୁ ସମ୍ବୋଧନ କରିଥିଲେ । ତେବେ ଏହି ସମ୍ବୋଧନରେ ପ୍ରଧାନମନ୍ତ୍ରୀ ଭାଇ-ଭାଇ ଏବଂ ପରିବାରବାଦକୁ ନିଶାନା କରିଥିଲେ । ମୋଦୀ କହିଥିଲେ, ପରିବାରବାଦ ଦେଶପାଇଁ ଘାତକ । ଯେତେବେଳେ ମୁଁ ଭାଇ-ଭାଇ ଏବଂ ପରିବାରବାଦର କଥା କହିଥାଏ ଲୋକଙ୍କୁ ଲାଗିଥାଅ ମୁଁ କେବଳ ରାଜନୀତିର କଥା କହୁଛି । କିନ୍ତୁ ଏହା ନୁହେଁ, ଦୁର୍ଭାଗ୍ୟ ଯେ ରାଜନୈତିକ କ୍ଷେତ୍ରରେ ଥିବା ତାର କିଛି ତ୍ରୁଟି ସାରା ଭାରତର ପ୍ରତ୍ୟେକ ସଂସ୍ଥାନରେ ପରିବାରବାଦକୁ ପୋଷିତ କରିଦେଇଛିା ପ୍ରଧାନମନ୍ତ୍ରୀ ଆହୁରି ମଧ୍ୟ କହିଥିଲେ ପରିବାରବାଦ ଯୋଗୁ ପ୍ରତିଭାଶାଳୀ ବ୍ୟକ୍ତି ପଛରେ ରହିଯାଇଥାନ୍ତି । ତେବେ କେବଳ ପରିବାରବାଦ ନୁହେଁ ଦୁର୍ନୀତି ଉପରେ ମଧ୍ୟ ମୋଦୀ ଟାର୍ଗେଟ କରିଥିଲେ । ସେ କହିଥିଲେ ଦୁର୍ନୀତି ଦେଶକୁ ଫମ୍ପା କରିଦେଇଛି । ଦେଶକୁ ଏହା ବିରୋଧରେ ଲଢେଇ କରିବାକୁ ପଡିବ । ଆମର ପ୍ରୟାସ ଯେଉଁମାନେ ଦେଶକୁ ଲୁଟ କରିଛନ୍ତି ସେମାନଙ୍କୁ ତାହା ଫେରାଇବାକୁ ପଡିବ । ଆମେ ଏହା ଉଦ୍ୟମ କରୁଛୁ ଯେ, ଯେଉଁମାନେ ବିଗତ ସରକାରରେ ଦେଶରୁ ଲୁଟ କରି ଫେରାର ହୋଇଯାଇଛନ୍ତି ସେମାନଙ୍କ ସମ୍ପତ୍ତିକୁ ଜବତ କରିବୁ । ଏହା କରିବା ଦ୍ୱାରା ସେମାନେ ଦେଶକୁ ଫେରିବାକୁ ବାଧ୍ୟ ହେବେ ।