ରାଫା ଆକ୍ରମଣକୁ ତୀବ୍ର କଲା ଇସ୍ରାଏଲ
ରାଫା ଉପରେ ଆଜି ଆକ୍ରମଣ ଆହୁରି ପ୍ରଚଣ୍ଡ ହୋଇଥିବା ଦେଖିବାକୁ ମିଳିଛି। ଅନ୍ତର୍ଜାତୀୟ ନ୍ୟାୟ ଅଦାଲତ (ଆଇସିଜେ) ରାୟ ଦେବାର ଗୋଟିଏ ଦିନ ପରେ ଇସ୍ରାଏଲ ଆଜି ରାଫା ସମେତ ଗାଜା ଷ୍ଟ୍ରିପ୍ ଉପରେ ତୁହାକୁ ତୁହା ବୋମା ମାଡ଼ କରିଛି। ଇସ୍ରାଏଲ ସେନା ଉତ୍ତର ଗାଜାରୁ ଆଉ ୩ ଜଣ ବନ୍ଦୀଙ୍କ ମୃତଦେହ ଉଦ୍ଧାର କରିବା ପରେ ଆକ୍ରମଣ ବ୍ୟାପକ ହୋଇଥିବା ପାଲେଷ୍ଟାଇନ କର୍ତ୍ତୃପକ୍ଷ କହିଛନ୍ତି। ଆଇସିଜେ ରାୟକୁ ନେଇ ଇସ୍ରାଏଲ ରାଫାରେ ଆଭିମୁଖ୍ୟ ପରିବର୍ତ୍ତନ କରିବାକୁ ପ୍ରସ୍ତୁତ ନଥିବା ବେଳେ ସମଗ୍ର ଗାଜାକୁ ଛାରଖାର କରିଦେବା ଲକ୍ଷ୍ୟରେ ଅଗ୍ରସର ହେଉଛି।