ଯୁଦ୍ଧରେ ଆମେରିକା

ତୀବ୍ର ହେବାରେ ଲାଗିଛି ଇସ୍ରାଏଲ-ହମାଲ ଯୁଦ୍ଧ ସଂକଟ । ସିରିଆସ୍ଥିତ ଇରାନର ଦୁଇଟି ସାମରିକ ସ୍ଥଳୀରେ ଏୟାରଷ୍ଟ୍ରାଇକ କରିଛି ଆମେରିକା । ସିରିଆସ୍ଥିତ ଇସଲାମିକ ରିଭଲ୍ୟୁସନାରୀ ଗାର୍ଡ କର୍ପସ ବା ଆଇରଜିସିର ଦୁଇଟି ସ୍ଥଳୀରେ ହମଲା କରିଛି ଆମେରିକା ମିଲିଟାରୀ । ଏକ ବିଜ୍ଞପ୍ତି ଜରିଆରେ ଏନେଇ ସୂଚନା ଦେଇଛନ୍ତି ଆମେରିକା ପ୍ରତିରକ୍ଷା ସଚିବ ଲୟଡ ଅଷ୍ଟିନ । ସେ କହିଛନ୍ତି ଇରାକ ଓ ସିରିଆରେ ଅବସ୍ଥାପିତ ଆମେରିକା ସୈନ୍ୟଙ୍କ ଉପରେ ଇରାନର କେତେକ ସଂଗଠନ ଆକ୍ରମଣ କରିବା ପ୍ରତିବାଦରେ ପ୍ରିସିସନ ସେଲଫ ଡିଫେନ୍ସ ଷ୍ଟ୍ରାଇକ କରାଯାଇଛି ।ଇରାନର ଆକ୍ରମଣରେ ଜଣେ ଆମେରିକୀୟ କଣ୍ଟ୍ରାକ୍ଟରଙ୍କ ମୃତ୍ୟୁ ଘଟିଥିବାବେଳେ ୨୧ ଜଣ ଆମେରିକୀୟ ସୈନ୍ୟ ଆହତ ହୋଇଥିଲେ ବୋଲି କହିଛନ୍ତି ଅଷ୍ଟିନ । ଆମେରିକୀୟ ସୈନ୍ୟଙ୍କ ଉପରେ ଇରାନ ଆକ୍ରମଣ କରୁଥିବା ନେଇ ଗତ ଗୁରୁବାର ଇରାନର ସୁପ୍ରିମଲିଡର ଆୟାତୋଲ୍ଲା ଖୋମିନୀଙ୍କୁ ଆମେରିକା ରାଷ୍ଟ୍ରପତି ଜୋ ବାଇଡେନ ଚେତାବନୀ ଦେବା ପରେ ସିରିଆରେ ଏହି ହମଲା ହୋଇଛି ।