ପ୍ରଭାବିତ ହେବ ବିଶ୍ବ ଅର୍ଥନୀତି

ଚାଇନା ଏବଂ ବିଶ୍ୱର ସବୁଠାରୁ ବଡ ରିଅଲ ଇଷ୍ଟେଟ କମ୍ପାନୀ ଏଭରଗ୍ରାଣ୍ଡ ବିକ୍ରି ହେବାକୁ ଯାଉଛି । ସମ୍ପତ୍ତି ବିକ୍ରି କରି ଋଣ ପରିଶୋଧ କରିବାକୁ ହଂକଂ କୋର୍ଟ କଂପାନିକୁ ନିର୍ଦ୍ଦେଶ ଦେଇଛନ୍ତି। ଏହି କମ୍ପାନୀ ୨୪ ଲକ୍ଷ କୋଟି ଟଙ୍କାର ଋଣରେ ବୁଡ଼ି ରହିଛି। ଚାଇନା ର ଷ୍ଟକ ବଜାର କ୍ରମାଗତ ଭାବେ ହ୍ରାସ ପାଇବାରେ ଲାଗିଛି । ଯୁବପିଢ଼ିଙ୍କ ମଧ୍ୟରେ ବେକାରି ଦ୍ରୁତ ଗତିରେ ବ୍ୟାପିବାରେ ଲାଗିଛି। ପରିସ୍ଥିତିକୁ ଲୁଚାଇବା ପାଇଁ ଚୀନ ସରକାର ଉଦ୍ୟମ କରୁଛନ୍ତି ।ଏଭରଗ୍ରାଣ୍ଡ ବିକ୍ରି ଯୋଗୁଁ ବିଶ୍ୱର ଦ୍ୱିତୀୟ ବୃହତ୍ତମ ଅର୍ଥନୀତିକୁ ବଡ଼ ଝଟକା ଲାଗିଛି। ଗତ ତିନି ବର୍ଷ ମଧ୍ୟରେ ୫୦ରୁ ଅଧିକ ଚାଇନିଜ୍ ରିଅଲ୍ ଇଷ୍ଟେଟ୍ ଡେଭଲପର୍ ଋଣ ପରିଶୋଧ ରେ ଅବହେଳା କରିଛନ୍ତି। ସୋମବାର କୋର୍ଟଙ୍କ ନିର୍ଦ୍ଦେଶ ପରେ ଏଭରଗ୍ରାଣ୍ଡର ସେୟାର ୨୦ ପ୍ରତିଶତ ହ୍ରାସ ପାଇଛି। ଏହାପରେ ଷ୍ଟକ ଏକ୍ସଚେଞ୍ଜରେ ସେୟାର କାରବାର ବନ୍ଦ ହୋଇଯାଇଥିଲା ।