NationalWorld

ହ୍ବାଇଟ୍ ହାଉସରେ ମୋଦିଙ୍କୁ ଜୋରଦାର ସମ୍ବର୍ଦ୍ଧନା

ଓ୍ବାସିଂଟନ : ଆମେରିକା ଗସ୍ତର ତୃତୀୟ ଦିନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି  ୱାଶିଂଟନରେ ପହଞ୍ଚିବା ମାତ୍ରେ ତାଙ୍କୁ ଭବ୍ୟ ସ୍ୱାଗତ କରାଯାଇଥିଲା । ପ୍ରଧାନମନ୍ତ୍ରୀ ମୋଦୀଙ୍କୁ ଗାର୍ଡ ଅଫ୍ ଅନର ରେ ସମ୍ମାନିତ କରାଯାଇଥିଲା। ହ୍ଵାଇଟ୍ ହାଉସରେ ଆମେରିକା ରାଷ୍ଟ୍ରପତି ଜୋ ବାଇଡେନ ମଧ୍ୟ ପ୍ରଧାନମନ୍ତ୍ରୀଙ୍କୁ ସ୍ବାଗତ କରିଥିଲେ । ନ୍ୟୁୟର୍କରୁ କାର୍ଯ୍ୟକ୍ରମ ଶେଷ କରି ୱାଶିଂଟନ ଡିସିରେ ପହଁଚିବା ପରେ ମୋଦୀଙ୍କୁ ଭବ୍ୟ ସ୍ୱାଗତ କରାଯାଇଥିଲା ।

ସେପଟେ ପ୍ରିୟ ନେତାଙ୍କୁ ଭେଟି ବେଶ ଖୁସି ପ୍ରକାଶ କରିଛନ୍ତି ଏଠାରେ ରହୁଥିବା ପ୍ରବାସୀୟ ଭାରତୀୟ ।  ଭବ୍ୟ ସମ୍ବର୍ଦ୍ଧନା ପରେ ମୋଦୀ  କହିଛନ୍ତି ଯେ ଏହି ସମ୍ମାନ ପାଇଁ ଧନ୍ୟବାଦ । ଏହି ଗୌରବ ୧୪୦ କୋଟି ଭାରତୀୟଙ୍କର । ଏହା ମଧ୍ୟ ଆମେରିକାରେ ରହୁଥିବା ୪୦ ଲକ୍ଷରୁ ଅଧିକ ଭାରତୀୟ ବଂଶୋଦ୍ଭବଙ୍କ ପାଇଁ ଏକ ସମ୍ମାନର ବିଷୟ।  କାରଣ ସମଗ୍ର ବିଶ୍ବରେ ଶକ୍ତି ସନ୍ତୁଳନ ବଦଳିବାରେ ଲାଗିଛି ଓ ଭାରତ ଏକ ପ୍ରମୁଖ ଶକ୍ତି ଭାବେ ଉଭା ହେଉଛି ।

ସେପଟେ ୨୦୨୪ ପାଇଁ ଭାରତ ଓ ଆମେରିକା ମିଳିତ ମହାକାଶଚାରୀ ଅଭିଯାନ ଘୋଷଣା କରିଛନ୍ତି। ଭାରତ ଆର୍ଟେମିସ୍ ଚୁକ୍ତିରେ ସାମିଲ ହେବାକୁ ନିଷ୍ପତ୍ତି ନେଇଛି ଏବଂ ଆମେରିକାର ମହାକାଶ ଏଜେନ୍ସି ନାସା ଏବଂ ଭାରତୀୟ ମହାକାଶ ଗବେଷଣା ସଂଗଠନ (ଇସ୍ରୋ) ୨୦୨୪ରେ ଅନ୍ତର୍ଜାତୀୟ ମହାକାଶ ଷ୍ଟେସନ (ଆଇଏସ୍ଏସ୍)କୁ ଏକ ମିଳିତ ମିଶନ ପଠାଇବାକୁ ରାଜି ହୋଇଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆମେରିକା ଗସ୍ତ ଚାଲିଥିବାବେଳେ ଆମେରିକା ପକ୍ଷରୁ ଏହି ବଡ଼ ଘୋଷଣା କରାଯାଇଛି ।

ବାଇଡେନଙ୍କୁ ମୋଦି ଉପହାର ଭାବେ ରାଜସ୍ଥାନର କାରିଗର ତିଆରି କରିଥିବା ହଲମାର୍କ ରୁପା ମୁଦ୍ରା ଦେଇଥିଲେ । ଗୁଜରାଟର ଲୁଣ, କୋଲକାତାର କାରିଗର ପ୍ରସ୍ତୁତ କରିଥିବା ରୁପାର ନଡ଼ିଆ,କର୍ଣ୍ଣାଟକର ଚନ୍ଦନକାଠ,ତାମିଲନାଡୁର ଧଳା ରାଶି,ରାଜସ୍ଥାନର ୨୪ କ୍ୟାରେଟ ସ୍ୱର୍ଣ୍ଣ ମୁଦ୍ରା,ପଞ୍ଜାବର ଘିଅ,ଝାଡଖଣ୍ଡର ଟସର କପଡା,ଉତ୍ତରାଖଣ୍ଡର ଲମ୍ବା ସରୁ ଚାଉଳ,ମହାରାଷ୍ଟ୍ରର ଗୁଡ଼ ଦେଇଥିଲେ । ଚନ୍ଦନ ପେଡିରେ ରହିଛି ରୁପାର ଗଣେଶ ମୂର୍ତି, ରୁପାର ତେଲ ଦୀପ ଓ ରୂପାର ନଡ଼ିଆ  ।

ହ୍ୱାଇଟହାଉସରେ ପ୍ରଧାନମନ୍ତ୍ରୀ ମୋଦୀଙ୍କ ପାଇଁ ସ୍ୱତନ୍ତ୍ର ରାତ୍ରୀଭୋଜନ ଆୟୋଜିତ ହୋଇଥିଲା । ସୂଚନା ଅନୁସାରେ ମୋଦୀଙ୍କ ପାଇଁ ୧୦ଟି ନିରାମିଷ ବ୍ୟଞ୍ଜନ ରହିଥିଲା । ଯାହାକୁ ହ୍ୱାଇଟହାଉସର ମୁଖ୍ୟ ସେଫ ତଥା ଭାରତୀୟ ବଂଶୋଦ୍ଭବ ନୀନା କୁର୍ଟିସ ପ୍ରସ୍ତୁତ କରିିଥିଲେ ।