ଆଜି ଭାରତ- ଓ୍ବେଷ୍ଟଇଣ୍ଡିଜ ଦ୍ବିତୀୟ ଦିନିକିଆ, ସଂଧ୍ୟା 7ଟାରେ ମ୍ୟାଚ ଖେଳାଯିବ

ୱେଷ୍ଟଇଣ୍ଡିଜ୍‌ ବିପକ୍ଷରେ କ୍ରମାଗତ ୨ୟ ଦିନିିକିଆ ଜିତିବା ପରେ ଏବେ ଶୃଙ୍ଖଳା ପୋଛିବା ଲକ୍ଷ୍ୟରେ ଭାରତୀୟ ଦଳ । ପ୍ରଥମ ମ୍ୟାଚ୍‌ରେ ମହମ୍ମଦ ସିରାଜ୍‌ଙ୍କ ବୋଲିଂ ଇଣ୍ଡିଜ୍‌କୁ ବିଜୟରୁ ବଞ୍ଚିତ କରିଥିବା ବେଳେ ୨ୟ ମ୍ୟାଚ୍‌ରେ ଅକ୍ଷର ପଟେଲଙ୍କ ବିସ୍ଫୋରକ ବ୍ୟାଟିଂ ଇଣ୍ଡିଜ୍‌ଠାରୁ ମ୍ୟାଚ୍‌ ଛଡ଼ାଇ ନେଇଥିଲା।ଭାରତ ଶୃଙ୍ଖଳା ଜିତିଥିଲେ ହେଁ ମଧ୍ୟକ୍ରମ ବ୍ୟାଟିଂ ଏବେ ମଧ୍ୟ ଚିନ୍ତାର ବିଷୟ ରହିଛି। ପ୍ରଥମ ମ୍ୟାଚ୍‌ରେ ୧୧ରୁ ୪୦ ଓଭର ମଧ୍ୟରେ ଭାରତ ୧୭୫ ରନ୍‌କରି ୪ଟି ୱିକେଟ ହରାଇଥିବା ବେଳେ ୨ୟ ମ୍ୟାଚ୍‌ରେ ଏହି ସମୟରେ ଭାରତ ୧୭୦ ରନ୍‌କରି ୫ଟି ୱିକେଟ ହରାଇଥିଲା। ସୂର୍ଯ୍ୟକୁମାର ଯାଦବ ଓ ଦୀପକ ହୁଡାଙ୍କୁ ଛାଡ଼ି ଅନ୍ୟ ସମସ୍ତ ଭାରତୀୟ ବ୍ୟାଟ୍‌ସମ୍ୟାନ ବଡ଼ ସ୍କୋର୍ କରିଛନ୍ତି। ୱେଷ୍ଟଇଣ୍ଡିଜ୍‌ ଉଭୟ ମ୍ୟାଚ୍‌ ହାରିଥିଲେ ହେଁ ସେପରି ଖରାପ ପ୍ରଦର୍ଶନ କରିନାହିଁ । ତେବେ ଆଜି ଓ୍ବେଷ୍ଟ ଇଣ୍ଡିଜ ମ୍ୟାଚ ଜିତିବାକୁ ଚେଷ୍ଟା କରିବ ।