ମୁଣ୍ଡ ନୁଆଁଇଲା ପାକିସ୍ତାନ, ଶାନ୍ତି ଚାହୁଁଛି

କିଛି ଦିନ ହେଲା ଧମକ ଦେଉଥିବା ପାକିସ୍ତାନ ସ୍ବର ନରମ ପଡ଼ିଛି ।  ଯୁଦ୍ଧ ଧମକ ଦେଉଥିବା  ପାକିସ୍ତାନ ପ୍ରଧାନମନ୍ତ୍ରୀ ଆଲୋଚନା କରିବା ପାଇଁ ପ୍ରସ୍ତାବ ଦେଇଛନ୍ତି ।  ପାକ ପ୍ରଧାନମନ୍ତ୍ରୀ ଶେହବାଜ ଶରିଫ ଭାରତ ସହିତ ଶାନ୍ତି ଆଲୋଚନା ପାଇଁ ପ୍ରସ୍ତାବ ଦେଇଛନ୍ତି। ତେହେରାନରୁ ଦିଆଯାଇଥିବା ଏହି ବିବୃତ୍ତିରେ ସେ କଶ୍ମୀର, ଆତଙ୍କବାଦ, ଜଳ ଏବଂ ବାଣିଜ୍ୟ ଭଳି ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ କଥାବାର୍ତ୍ତା କରିବାକୁ ଇଚ୍ଛା ପ୍ରକାଶ କରିିଥିବା ଭିଡିଓ ଭାଇରାଲ ହେଉଛି । ଶେହବାଜ ଶରିଫ ଇରାନ ଗସ୍ତ ସମୟରେ ତେହେରାନରେ ଏହି ବୟାନ ଦେଇଛନ୍ତି। ତୁର୍କୀରୁ ତେହେରାନରେ ପହଞ୍ଚିଥିବା ଶେହବାଜ ସେଠାରେ ଏକ ମିଳିତ ସାମ୍ବାଦିକ ସମ୍ମିଳନୀରେ କହିଛନ୍ତି, ଆମେ କଶ୍ମୀର, ଜଳ, ଆତଙ୍କବାଦ ଏବଂ ବାଣିଜ୍ୟ ଭଳି ପ୍ରସଙ୍ଗରେ ଭାରତ ସହିତ କଥାବାର୍ତ୍ତା କରିବାକୁ ପ୍ରସ୍ତୁତ। ଆମେ ପଡ଼ୋଶୀ ଏବଂ ଶାନ୍ତି ଆମର ପ୍ରାଥମିକତା। ଯଦି ଭାରତ ଆମର ଶାନ୍ତି ପ୍ରସ୍ତାବକୁ ଗ୍ରହଣ କରେ, ତେବେ ଆମେ  ଆଲୋଚନା ପାଇଁ ପ୍ରସ୍ତୁତ।