ଭାରତରେ ତୈଳ ବୃଦ୍ଧିକୁ ନିଅନ୍ତ୍ରଣ କରିବ ଆମେରିକା

ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ବୃଦ୍ଧି ପାଇବାରେ ଲାଗିଛି। ବିଶ୍ୱବଜାରରେ ତେଲ ଦର ପ୍ରାୟ ୯୪ ଡଲାର ଅର୍ଥାତ୍‌ ଭାରତୀୟ ମୂଲ୍ୟରେ ୭କୋଟି ୮୧୦.୪୯ ଟଙ୍କା ରହିଛି। ସେପ୍ଟେମ୍ବର ୧୫ରେ ଅନୁଷ୍ଠିତ ବାଣିଜ୍ୟ ଅଧିବେଶନ ବେଳେ ଏହାର ମୂଲ୍ୟ ପାଖାପାଖି ୯୫ ଡଲାରରେ ପହଞ୍ଚିଛି। ଅର୍ଥନୀତିଜ୍ଞମାନେ ଆଶା କରୁଛନ୍ତି ଯେ ଏହି ଦର କିଛି ସପ୍ତାହ ମଧ୍ୟରେ ବ୍ୟାରେଲ ପିଛା ୧୦୦ଡଲାର ଅତିକ୍ରମ କରିବ। କାରଣ ୨୦୨୩ ଡିସେମ୍ବର ସୁଦ୍ଧା ସାଉଦି ଆରବ ଓ ଋଷିଆ ଅଶୋଧିତ ତୈଳ ଉତ୍ପାଦନ ହ୍ରାସ କରିବାକୁ ନିଷ୍ପତ୍ତି ନେଇଛନ୍ତି। ଅନ୍ୟପକ୍ଷରେ ଲିବ୍ୟାର ପ୍ରଳୟଙ୍କରୀ ଝଡ଼ ଏବଂ ଚାଇନା ଭଳି ଦେଶଗୁଡ଼ିକର ଚାହିଦା ଯୋଗୁଁ ଅଶୋଧିତ ତୈଳ ଦର ବୃଦ୍ଧି ପାଇବ। ଯେଉଁଥିପାଇଁ ଭାରତ ଭଳି ବିକାଶଶୀଳ ଦେଶ ଆଗକୁ ସମସ୍ୟାର ସମ୍ମୁଖୀନ ହେବାକୁ ଯାଉଛନ୍ତି।ଅନ୍ୟପକ୍ଷରେ, ଆମେରିକାରେ ମଧ୍ୟ ପେଟ୍ରୋଲ ଦର ବୃଦ୍ଧି ହେତୁ ମୁଦ୍ରାସ୍ଫୀତିରେ ବୃଦ୍ଧି ଘଟିଛି। ମୁଦ୍ରାସ୍ଫୀତି ଓ ଅଶୋଧିତ ତୈଳ ପ୍ରସଙ୍ଗକୁ ନେଇ ଯଦି ଆମେରିକା ଆଗକୁ ଆସେ ତେବେ ଭାରତରେ ପେଟ୍ରୋଲ ଏବଂ ଡିଜେଲ ଶସ୍ତା ହେବ ନା ମହଙ୍ଗା ସେ ନିଷ୍ପତ୍ତି ନେବ।ବର୍ତ୍ତମାନ, ଆମେରିକା ହେଉଛି ଏକମାତ୍ର ଦେଶ ଯିଏକି ବର୍ତ୍ତମାନ ତଥା ଭବିଷ୍ୟତର ଅଶୋଧିତ ତୈଳ ଦର ନିୟନ୍ତ୍ରଣ କରିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରିବ। ଆମେରିକା ମଧ୍ୟ ଅଶୋଧିତ ତୈଳ ରପ୍ତାନୀକାରୀ। କିନ୍ତୁ ଜୋ ବାଇଡେନ କ୍ଷମତାକୁ ଆସିବା ପରଠାରୁ ଆମେରିକାରେ ତେଲ ଉତ୍ପାଦନ ହ୍ରାସ ପାଇଛି। ବର୍ତ୍ତମାନ ତେଲ ଦର ବୃଦ୍ଧିକୁ ଦୃଷ୍ଟିରେ ରଖି ଆମେରିକା ଏହାର ଉତ୍ପାଦନ ବୃଦ୍ଧି କରିବ ବୋଲି ଅର୍ଥନୀତିଜ୍ଞମାନେ କଳ୍ପନା କରୁଛନ୍ତି। ଯଦି ଆମେରିକା ଏହି ବିଷମ ପରିସ୍ଥିତିରେ ଉତ୍ପାଦନ ବୃଦ୍ଧି କରେ ଏବଂ ସେହି ଦେଶମାନଙ୍କରୁ ତେଲ ବିକ୍ରୟ ଉପରେ ପ୍ରତିବନ୍ଧକ ହଟାଇବା ପ୍ରକ୍ରିୟା ଆରମ୍ଭ କରେ, ତେବେ ପରିସ୍ଥିତି ସ୍ବୟଂଚାଳିତ ଭାବରେ ଅନୁକୂଳ ହୋଇଯିବ।