ପ୍ରେଗ୍‌ ବିଶ୍ବବିଦ୍ୟାଳୟରେ ଗୁଳିକାଣ୍ଡ

ଚେକ୍‌ ଗଣତନ୍ତ୍ରର ପ୍ରେଗ୍‌ସ୍ଥିତ ଏକ ବିଶ୍ବବିଦ୍ୟାଳୟରେ ଆଜି ବଡ଼ଧରଣର ଗୁଳିକାଣ୍ଡ ହୋଇଛି। ଏଥିରେ ୧୧ ଜଣଙ୍କର ମୃତ୍ୟୁ ହୋଇଥିବାବେଳେ ଅନେକ ବ୍ୟକ୍ତି ଆହତ ହୋଇଛନ୍ତି। କେନ୍ଦ୍ରୀୟ ପ୍ରେଗ୍‌ସ୍ଥିତ ଚାର୍ଲସ ବିଶ୍ବବିଦ୍ୟାଳୟ କୋଠାରେ ପଶି ଜଣେ ବ୍ୟକ୍ତି ଆଖିବୁଜା ଗୁଳିଚାଳନା କରିବା ଫଳରେ ଏଭଳି ସ୍ଥିତି ଉପୁଜିଛି। ତେବେ ଆକ୍ରମଣକାରୀକୁ ପୁଲିସ ନିପାତ କରିଥିବା ସାମାଜିକ ଗଣମାଧ୍ୟମ ‌ଏକ୍ସରେ ପୋଷ୍ଟ୍‌ କରିଛି। ସଂପ୍ରତି କୋଠାରୁ ଲୋକମାନଙ୍କୁ ବାହାର କରାଯାଉଛି। ଘଟଣାସ୍ଥଳରେ ଅନେକ ମୃତ ଓ ଆହତ ବ୍ୟକ୍ତି ଅଛନ୍ତି ବୋଲି ପୁଲିସ ସୂଚନା ଦେଇଛି। ୩ ଡଜନରୁ ଅଧିକ ଲୋକ ଏଥିରେ ଆହତ ହୋଇଛନ୍ତି। ୧୦ ଜଣ ଗୁରୁତର ଆହତଙ୍କୁ ପୁଲିସ ସେଠାରୁ ଉଦ୍ଧାର କରିଛି।