ଚୀନ୍ ର ଚିନ୍ତା ବଢ଼ିଲା

ଭାରତ ମହାସାଗରରେ ଚୀନ୍‌ର କାର୍ଯ୍ୟକଳାପ ଏବଂ ଜଳଦସ୍ୟୁମାନଙ୍କ ଆତଙ୍କକୁ ଦୃଷ୍ଟିରେ ରଖି ଭାରତ ଏକ ବଡ଼ ପଦକ୍ଷେପ ନେଇଛି। ଭାରତ ମହାସାଗରରେ ଏବଂ ଏହାର ଆଖପାଖ ଅଞ୍ଚଳରେ ୧୧ ଟି ବୁଡ଼ାଜାହାଜ ନିୟୋଜିତ କରିଛି। ଏହା ସହିତ ଭାରତୀୟ ନୌସେନା ୩୫ଟି ଯୁଦ୍ଧ ଜାହାଜ ମଧ୍ୟ ନିୟୋଜିତ କରିଛି। ସାମୁଦ୍ରିକ ଅଞ୍ଚଳରେ ୫ ଟି ବିମାନ ମଧ୍ୟ ନିୟୋଜିତ କରାଯାଇଛି। ଆବଶ୍ୟକ ହେଲେ ତୁରନ୍ତ ବାୟୁ ସହାୟତା ଯୋଗାଇ ଦିଆଯାଇପାରିବ। ନିକଟ ଅତୀତରେ ଚୀନ୍ ଭାରତ ମହାସାଗର ଅଞ୍ଚଳରେ ନିଜର ଉପସ୍ଥିତିକୁ ମଜବୁତ କରିଛି। ବିଭିନ୍ନ କାର୍ଯ୍ୟକଳାପର ବାହାନା କରି ଚୀନ୍ କ୍ରମାଗତ ଭାବରେ ଏହି ଅଞ୍ଚଳକୁ ନୌସେନା ଜାହାଜ, ଉପଗ୍ରହ ଟ୍ରାକର୍ ଏବଂ ବୁଡ଼ାଜାହାଜ ପଠାଉଛି। ଏବେ ଭାରତ ମଧ୍ୟ ନିଜର ସ୍ଥିତିକୁ ମଜବୁତ କରିବା ଦିଗରେ ଏକ ବଡ଼ ପଦକ୍ଷେପ ନେଇଛି ।