ଦେଢ଼ଦିନରେ ଲଢ଼େଇ ଶେଷ

ଭାରତ-ଦକ୍ଷିଣ ଆଫ୍ରିକା ୫ ଦିନିଆ ଟେଷ୍ଟ୍ ୫ ସେସନ୍‌ରେ ଶେଷ ହୋଇଯିବା ସହ ଏହି ରେକର୍ଡ ହୋଇଛି। ନ୍ୟୁଲାଣ୍ଡ୍ସ କ୍ରିକେଟ୍‌ ପଡ଼ିଆରେ ଦକ୍ଷିଣ ଆଫ୍ରିକାକୁ ଭାରତ ୭ ୱିକେଟ୍‌ରେ ପରାସ୍ତ କରିଛି। ଏହି ଟେଷ୍ଟ‌୍‌ ସବୁଠୁ କମ୍‌ ସମୟ ମଧ୍ୟରେ ଶେଷ ହେବାରେ କୀର୍ତ୍ତିମାନ କରିଛି। ଉଭୟ ଦଳ ମୋଟ ୬୪୨ ବଲ୍‌ର ସାମ୍ନା କରିଥିବାବେଳେ ଫଳାଫଳ ବାହାରିଛି। ପୂର୍ବରୁ ଏହି ରେକର୍ଡ ୧୯୩୨ ମସିହାର ଅଷ୍ଟ୍ରେଲିଆ-ଦକ୍ଷିଣ ଆଫ୍ରିକା ଟେଷ୍ଟ୍‌ ମ୍ୟାଚ୍‌ରେ‌ ହୋଇଥିଲା। ଉକ୍ତ ମ୍ୟାଚ୍‌ରେ ୬୫୬ ବଲ୍‌ ଖେଳାଯାଇଥିଲା। ତେବେ ନ୍ୟୁଲାଣ୍ଡ୍ସରେ ଦୁଇ ଦିନରେ ବୋଲରଙ୍କ ରାଜୁତି ଦେଖିବାକୁ ମିଳିଥିଲା। ପ୍ରଥମ ଦିନରେ ୨୩ ୱ‌ିକେଟ୍‌ ଝଡ଼ିଥିଲା ବେଳେ ଦ୍ବିତୀୟ ଦିନରେ ୧୦ ୱିକେଟ୍‌ର ପତନ ହୋଇଥିଲା। ଏହି ବିଜୟ ଦ୍ବାରା ଭାରତ କେପ୍‌ଟାଉନ୍‌ରେ ପ୍ରଥମ ବିଜୟ ପାଇଛି। କିନ୍ତୁ ପ୍ରଥମ ଟେଷ୍ଟ୍‌ରେ ଭାରତ ପରାଜିତ ହୋଇଥିବାରୁ ୩୧ ବର୍ଷ ପରେ ଦକ୍ଷିଣ ଆଫ୍ରିକାରେ ଶୃଙ୍ଖଳା ଜିତିବା ସ୍ବପ୍ନ ଅଧୁରା ରହିଯାଇଛି।