୨୦୩୫ ସୁଦ୍ଧା ପ୍ରତିଷ୍ଠା ହେବ ଭାରତୀୟ ସ୍ପେଶ୍ ଷ୍ଟେସନ୍
ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତର ଗଗନଯାନ ମିଶନର ଅଗ୍ରଗତି ଆକଳନ କରିବା ଏବଂ ଭାରତର ମହାକାଶ ଅନୁସନ୍ଧାନ ପ୍ରୟାସର ଭବିଷ୍ୟତ ରୂପରେଖ ପ୍ରସ୍ତୁତ କରିବା ପାଇଁ ଏକ ଉଚ୍ଚସ୍ତରୀୟ ସମୀକ୍ଷା ବୈଠକରେ ଅଧ୍ୟକ୍ଷତା କରିଛନ୍ତି ।ମହାକାଶ ବିଭାଗ ଗଗନଯାନ ମିଶନର ଏକ ବିସ୍ତୃତ ବିବରଣୀ ଉପସ୍ଥାପନ କରିଥିଲା, ଯେଉଁଥିରେ ଏପର୍ଯ୍ୟନ୍ତ ବିକଶିତ ବିଭିନ୍ନ ଜ୍ଞାନକୌଶଳ ଯଥା ହ୍ୟୁମାନ ରେଟେଡ୍ ଲଞ୍ଚ୍ ଭେଇକିଲ୍ ଏବଂ ସିଷ୍ଟମ୍ ଯୋଗ୍ୟତା ଅନ୍ତର୍ଭୁକ୍ତ । ହ୍ୟୁମାନ ରେଟେଡ୍ ଲଞ୍ଚ୍ ଭେଇକିଲ୍ (ଏଚ୍ ଏଲ୍ ଭି ଏମ୍ ୩)ର ୩ଟି ମାନରହିତ ମିଶନ ସମେତ ପ୍ରାୟ ୨୦ଟି ପ୍ରମୁଖ ପରୀକ୍ଷଣ ପାଇଁ ଯୋଜନା କରାଯାଇଛି। କ୍ରୁ ଏସ୍କେପ୍ ସିଷ୍ଟମ୍ ଟେଷ୍ଟ ଭେଇକିଲର ପ୍ରଥମ ପ୍ରଦର୍ଶନ ବିମାନ ଅକ୍ଟୋବର ୨୧ ତାରିଖରେ ଉଡ଼ାଣ କରିବ। ଏହି ବୈଠକରେ ମିଶନର ପ୍ରସ୍ତୁତିର ମୂଲ୍ୟାଙ୍କନ କରାଯାଇ ୨୦୨୫ରେ ଏହାର ଶୁଭାରମ୍ଭ କୁ ସୁନିଶ୍ଚିତ କରାଯାଇଥିଲା ।
ସମ୍ପ୍ରତି ଚନ୍ଦ୍ରଯାନ-୩ ଏବଂ ଆଦିତ୍ୟ ଏଲ୍-୧ ମିସନ୍ ସମେତ ଭାରତୀୟ ମହାକାଶ ପଦକ୍ଷେପର ସଫଳତାକୁ ଆଧାର କରି ପ୍ରଧାନମନ୍ତ୍ରୀ ନିର୍ଦ୍ଦେଶ ଦେଇଥିଲେ ଯେ ଭାରତ ଏବେ ୨୦୩୫ ସୁଦ୍ଧା ‘ଭାରତୀୟ ସ୍ପେଶ୍ ଷ୍ଟେସନ୍’ (ଭାରତୀୟ ମହାକାଶ କେନ୍ଦ୍ର) ପ୍ରତିଷ୍ଠା ଏବଂ ୨୦୪୦ ସୁଦ୍ଧା ଚନ୍ଦ୍ରକୁ ପ୍ରଥମ ଭାରତୀୟ ପଠାଇବା ସମେତ ନୂତନ ଏବଂ ମହତ୍ୱାକାଂକ୍ଷୀ ସଫଳତା ହାସଲ କରିବାକୁ ଲକ୍ଷ୍ୟ ରଖିବା ଉଚିତ୍ ।