ଆଇଫୋନ-୧୫ର କ୍ରେଜ ଦେଖି ସ୍କାମର୍ସ ଠକେଇ ଆରମ୍ଭ

ବର୍ତ୍ତମାନ ବଜାରରେ ଆଇଫୋନ-୧୫ର କ୍ରେଜ ଦେଖିବାକୁ ମିଳୁଛି । ଏହାରି ମଧ୍ୟରେ ସ୍କାମର୍ସ ମଧ୍ୟ ଆଇଫୋନକୁ ନେଇ ଠକେଇର ନୂଆ ପନ୍ଥା ଆପଣେଇଛନ୍ତି । ଆପଣ ମଧ୍ୟ ଏହି ଠକେଇର ଶିକାର ହୋଇପାରନ୍ତି । ଆସନ୍ତୁ ଜାଣିବା ଏହି ଠକେଇରୁ କିପରି ବଞ୍ଚିବେ ।ଇଣ୍ଡିଆ ପୋଷ୍ଟ ତାଙ୍କ ନାମରେ ଚାଲିଥିବା ଏପରି ଠକେଇ ବିଷୟରେ ସେୟାର କରିଛନ୍ତି । ଇଣ୍ଡିଆ ପୋଷ୍ଟ ନିଜ ପୋଷ୍ଟରେ କହିଛନ୍ତି ଯେ, ସ୍କାମର୍ସ ପକ୍ଷରୁ ଦାବି କରାଯାଉଛି ଯେ, ଯଦି ଆପଣ ଏହାକୁ ୫ଟି ଗ୍ରୁପ ଏବଂ ୨୦ ସାଙ୍ଗମାନଙ୍କ ସହ ସେୟାର କରନ୍ତି ତେବେ ଏକ ନୂଆ ଆଇଫୋନ-୧୫ ଜିତି ପାରିବେ । ଏହାକୁ କରିବା ପାଇଁ ଆପଣଙ୍କୁ ଏକ ଲିଙ୍କକୁ କ୍ଲିକ କରିବାକୁ କୁହାଯାଉଛି ।ଇଣ୍ଡିଆ ପୋଷ୍ଟ ସୋସିଆଲ ମିଡିଆରେ ପୋଷ୍ଟ କରାଯାଇଥିବା ସୂଚନାରେ କୁହାଯାଇଛି ଯେ, ଇଣ୍ଡିଆ ପୋଷ୍ଟ କୌଣସି ମଧ୍ୟ ଅନୌପଚାରିକ ପୋର୍ଟାଲ ବା ଲିଙ୍କ ମାଧ୍ୟମରେ କୌଣସି ପ୍ରକାର ଉପହାର ଦେଉନାହାନ୍ତି । ଇଣ୍ଡିଆ ପୋଷ୍ଟ ସହ ସମ୍ବନ୍ଧିତ କୌଣସି ମଧ୍ୟ ସୂଚନା ପାଇଁ ଅଫିସିଆଲ ୱେବସାଇଟକୁ ଯିବାକୁ ପଡିବ ।