ସରକାରଙ୍କୁ ଘେରିବ ବିଜେପି, ବିଜେଡି କଲା ଟାର୍ଗେଟ

ଭୁବନେଶ୍ୱର: ରାଜ୍ୟର ବିଭିନ୍ନ ୧୦୮ଟି ପ୍ରସଙ୍ଗକୁ ନେଇ ରାଜ୍ୟ ବିଜେପି ପ୍ରସ୍ତୁତ କରିଛି ଚାର୍ଜସିଟ । ୫-ଟି ସଚିବଙ୍କ ଜିଲ୍ଲା ଗସ୍ତ ପ୍ରସଙ୍ଗ ଚାର୍ଜସିଟରେ ରହିବ । ଚାର୍ଜସିଟକୁ ନେଇ ବିରୋଧୀ ଦଳ ନେତା ଜୟନାରାୟଣ ମିଶ୍ର କହିଛନ୍ତି ଯେ ସଚିବ କେଉଁ କ୍ଷମତାରେ ଜିଲ୍ଲା ଜିଲ୍ଲା ବୁଲୁଛନ୍ତି ।  ସରକାରଙ୍କ ବିଫଳତା, ଦୁର୍ନୀତିରେ ଲିପ୍ତ ରହିବା ପ୍ରସଙ୍ଗ ଚାର୍ଜସିଟରେ ରହିବ । କୋଇଲା ଦୁର୍ନୀତି ଠାରୁ ଆରମ୍ଭ କରି ଲୁହା ଦୁର୍ନୀତି, ପୁରୀ ଜଗନ୍ନାଥ ମନ୍ଦିର ରତ୍ନଭଣ୍ଡାର ଭଳି ପ୍ରସଙ୍ଗ ସହ ୧୦୮ ଦଫା ଚାର୍ଜସିଟ୍ ତିଆରି କରିଛି ବିଜେପି । ତେବେ ଏହାକୁ ନେଇ ବିଜେଡି ଉତ୍ତର ରଖିଛି । ବିଜେପି ଲୋକଙ୍କ ସମର୍ଥନ ପାଉନାହିଁ । ଖାଲି ମିଛରେ ଏମିତି ଅଭିଯୋଗ ଆଣୁଛି । ଏହାର ପ୍ରଭାବ କିଛି ପଡିବ ନାହିଁ । ମୁଖ୍ୟମନ୍ତ୍ରୀଙ୍କୁ ଓଡ଼ିଶାର ଲୋକେ ବହୁତ ଭଲ ପାଆନ୍ତି । ଆଗାମୀ ନିର୍ବାଚନରେ ବିଜେଡି ପୁଣି ସରକାର ଗଠନ କରିବ । ବିଜେପି ସେମିତି ଦିବା ସ୍ବପ୍ନ ଦେଖୁଥିବ ବୋଲି କହିଛି ବିଜେଡି  ।