ମେଟ୍ରୋ ଟିଭି ଓଡିଶା,୫/୨ : ପକ୍ଷୀଙ୍କ କୋଳାହଳ ଶବ୍ଦରେ ମନପୁରି ଯାଏ । କିଚିରି ମିଚିରି ଶବ୍ଦ ଟିକେ କାନରେ ବାଜିଲେ ମନଭିତରେ ଥିବା ଆଶଙ୍କା ଦୂର ହୋଇ ଯାଇଥାଇଥାଏ । ସକାଳୁ ନିଦ ଭାଙ୍ଗିଲେ ପକ୍ଷୀଙ୍କ କୋଳାହଳ ଶୁଣିଲେ , ଆନନ୍ଦ ଅନୁଭବ ହୁଏ । ଶୀତର ପହିଲି ସ୍ପର୍ଶରେ ପକ୍ଷୀମାନେ ଚାଲିଆସିଥାନ୍ତି ଚିଲିକା ହ୍ରଦକୁ । ଭଳିକି ଭଳି ରଙ୍ଗବେରଙ୍ଗର ପକ୍ଷୀଙ୍କୁ ଚିଲିକାରେ ଦେଖିବାକୁ ମିଳିଥାଏ ।
ସେଥିପାଇଁ ଟାଙ୍ଗୀ ମଙ୍ଗଳାଯୋଡିର ଦେବକର ବେହେରାଙ୍କ ତରଫରୁ ଦାୟର ଜନସ୍ୱାର୍ଥ ମାମାଲରେ ଦର୍ଶାଯାଇଛି ଯେ, ଚିଲିକା ହେଉଛି ପ୍ରବାସୀ ପକ୍ଷୀମାନଙ୍କ ପାଇଁ ଭାରତୀୟ ଉପମହାଦେଶର ସବୁଠାରୁ ବଡ ଶୀତକାଳୀନ ବ୍ୟବସ୍ଥାନ । ହଜାର ହଜାର ମାଇଲ ଦୂରରୁ ଚିଲିକାକୁ ପକ୍ଷୀମାନେ ଆସୁଛନ୍ତି । ୧୦ କିଲୋମିଟରରୁ ଅଧିକ ବ୍ୟାପ୍ତ ମଙ୍ଗଳାଯୋଡି ଅଚଂଳରେ ବିଶେଷ ଭାବେ ବିଦେଶାଗତ ପକ୍ଷୀଙ୍କୁ ଦେଖିବାକୁ ମିଳିଥାଏ । ଏହି ପକ୍ଷୀମାନେ ବହୁତ ଲାଜୁକୁଳା ହେଉଥିବା ବେଳେ ଅଧିକ ଶବ୍ଦ ହେଲେ ପଳାଇ ଯାଇଥାନ୍ତି । ଦେଶୀ ଡଙ୍ଗାରେ ଯାଇ ଏହି ପକ୍ଷୀମାନଙ୍କୁ ଦୂରରୁ ଦେଖି ହେବ ।
କିନ୍ତୁ କିଛିଦିନ ହେବ କେତେକ ମତ୍ସଜିବୀ ମଙ୍ଗଳାଯୋଡିରେ ମୋଟର ଚାଳିତ ଡଙ୍ଗା ଚଳାଉଥିବା ଦେଖିବାକୁ ମିଳୂଛି ।ମୋଟର ଚାଳିତ ଡଙ୍ଗା ଚାଲିବା ଦ୍ୱାରା ପକ୍ଷୀମାନେ ଭୟଭୀତ ହୋଇ ପଡୁଛନ୍ତି ଏବଂ ଏହାର କୁ ପ୍ରଭାବ ପରିବେଶ ଉପରେ ମଧ୍ୟ ପଡୁଛି । ମଙ୍ଗଳାଯୋଡି ଅଚଂଳକୁ ସାଇଲେଟଂ ଜୋନ ଭାବେ ଘୋଷଣା କରାଯିବା ଆବଶ୍ୟକ ବୋଲି ଆବେଦନକାରୀ ଦର୍ଶାଇଛନ୍ତି ।
ଏଠାରେ ବେଆଇନ ମୋଟର ଚାଳିତ ଡଙ୍ଗା ଚଳାଚଳ ଉପରେ ଅଙ୍କୁଶ ଜାରି କରାଯିବ ସହିତ ନୟମ ଉଲ୍ଲଘଂନକାରୀଙ୍କ ବିରୋଧରେ ଦୃଢ କାର୍ଯ୍ୟନୁଷ୍ଠାନ ଗ୍ରହଣ ପାଇଁ ନିର୍ଦ୍ଦେଶ ଦିଆଯାଉ ବୋଲି ଆବେଦନରେ ଉଲ୍ଲେଖ କରାଯାଇଛି । ଆବେଦନକାରୀଙ୍କ ପକ୍ଷରୁ ଆଇନଜୀବି ଆଶିଷ କୁମାର ମିଶ୍ର ମାମଲା ପରିଚାଳନା କରୁଛନ୍ତି ।
Report- Bharat binod nayak