ରଣଜୀ ଟ୍ରଫି

ଓଡ଼ିଶା-ଜମ୍ମୁକାଶ୍ମୀର ରଣଜୀ ମ୍ୟାଚ୍‌ର ଦ୍ବିତୀୟ ଦିନ ଘରୋଇ ଦଳ ପୁଣି ଥରେ ବ୍ୟାଟିଂ ବିପର୍ଯ୍ୟୟ ସାମ୍ନା କରିଛି। ରାଜେଶ ମହାନ୍ତିଙ୍କ ୫ ୱିକେଟ୍ ସଫଳତା ସତ୍ତ୍ବେ ପ୍ରଥମ ପାଳିରେ ଓଡ଼ିଶା ୫୦ ରନ୍‌ରେ ପଛେଇ ଯାଇଥିଲା। ଦ୍ବିତୀୟ ପାଳିରେ ଷ୍ଟମ୍ପ୍ସ ଅପସାରଣ ସୁଦ୍ଧା ୧୨୬/୭ କରିଛି। ଆହୁରି ଦୁଇଦିନ ଖେଳ ଥିଲେ ବି ରବିବାର ଫଳାଫଳ ଆସିଯିବାର ସମ୍ଭାବନା ସୃଷ୍ଟି ହୋଇଛି। ଓଡ଼ିଶା ପ୍ରଥମ ପାଳିରେ ୧୩୦ ରନ୍‌‌ କରିଥିବା ବେଳେ ଜମ୍ମୁ କଶ୍ମୀର ଦ୍ବିତୀୟ ଦିନରେ ୧୮୦ ରନ୍‌ କରି ସମସ୍ତ ୱିକେଟ୍‌ ହରାଇଥିଲା।