ଆଜି ଇଂଲଣ୍ଡକୁ ଭେଟିବ ବାଂଲାଦେଶ

ବିଶ୍ୱକପ ପାଇଁ ବିଭିନ୍ନ ଦଳର ପ୍ରସ୍ତୁତି ଅନ୍ତିମ ପର୍ଯ୍ୟାୟରେ ପହଞ୍ଚିଛି। ଅଂଶଗ୍ରହଣକାରୀ ଦଳ ଗୁଡ଼ିକ ଭାରତରେ ପହଞ୍ଚି ଓ୍ବାର୍ମଅପ୍‌ ମ୍ୟାଚରେ ନିଜ ଦକ୍ଷତା ପରଖୁଛନ୍ତି। ଆଜି ବିଶ୍ୱକପ୍‌ ୨୦୨୩ର ୱାର୍ମ ଅପ୍‌ ମ୍ୟାଚରେ ୪ ଦଳ ଖେଳିବେ। ଶେଷ ଦିନିକିଆ ବିଶ୍ୱକପ୍‌ ଚାମ୍ପିୟନ ଇଂଲଣ୍ଡ ବାଂଲାଦେଶ ସହିତ ମୁକାବିଲା ଥିବା ବେଳେ ରନର୍‌ ଅପ ନ୍ୟୁଜିଲ୍ୟାଣ୍ଡ ଦକ୍ଷିଣ ଆଫ୍ରିକାକୁ ଭେଟିବ। ଏହି ଦୁଇଟି ମ୍ୟାଚ ଅପରାହ୍ନ ୨ଟାରୁ ଆରମ୍ଭ ହେବ।ବର୍ଷା ଯୋଗୁ ଇଂଲଣ୍ଡର ପ୍ରଥମ ୱାର୍ମ ଅପ୍‌ ମ୍ୟାଚ ବାତିଲ ହୋଇଥିଲା। ଏଭଳି ପରିସ୍ଥିତିରେ ବିଶ୍ୱକପ୍‌ ଉଦ୍‌ଘାଟନୀ ମ୍ୟାଚ ପୂର୍ବରୁ ଇଂରାଜୀ ଖେଳାଳିଙ୍କ ପାଇଁ ଭାରତୀୟ ଅବସ୍ଥା ସହ ଖାପ ଖୁଆଇବା ପାଇଁ ଏହା ଶେଷ ମ୍ୟାଚ ହେବ। ଇଂରାଜୀ ଅଧିନାୟକ ଜୋସ ବଟଲର୍‌ ନିଶ୍ଚିତ ଭାବରେ ତାଙ୍କର ସର୍ବୋତ୍ତମ ପ୍ଲେ-୧୧ କୁ ଏହି ମ୍ୟାଚରେ ଅଭ୍ୟାସ କରିବାର ସୁଯୋଗ ଦେବାକୁ ଚାହାଁନ୍ତି। ଅନ୍ୟପକ୍ଷରେ ବାଂଲାଦେଶ ଏହାର ପ୍ରଥମ ଅଭ୍ୟାସ ମ୍ୟାଚରେ ଶ୍ରୀଲଙ୍କା ବିପକ୍ଷ ଖେଳର ତିନୋଟି ବିଭାଗରେ ଭଲ ପ୍ରଦର୍ଶନ କରିଥିଲା।