NationalSports ପାଣ୍ଡିଆନ୍ଙ୍କୁ ଏଫ୍ଆଇଏଚ୍ ସଭାପତି ପୁରସ୍କାର Last updated Jan 30, 2023 ଭୁବନେଶ୍ବର: ଏଫ୍ଆଇଏଚ୍ ପୁରୁଷ ହକି ବିଶ୍ବକପ୍ ଫାଇନାଲ୍ ପୂର୍ବରୁ ଆୟୋଜିତ ଏକ କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀଙ୍କ ସଚିବ (୫ଟି) ଭିକେ ପାଣ୍ଡିଆନ୍ଙ୍କୁ ଏଫ୍ଆଇଏଚ୍ ସଭାପତି ପୁରସ୍କାର ପ୍ରଦାନ କରାଯାଇଛି। ହକିରେ ଉଲ୍ଲେଖନୀୟ ଅବଦାନ ପାଇଁ ତାଙ୍କୁ ଏହି ପୁରସ୍କାର ମିଳିଥିଲା। ଫ୍ଆଇଏଚ୍ ସଭାପତି ପୁରସ୍କାର ପାଇ ବହୁତ ଖୁସି। ଏହି ପୁରସ୍କାର ପାଇବା ପାଇଁ ମୁଁ ହକ୍ଦାର ନୁହେଁ, ଏହି ବିଶ୍ବକପ୍କୁ ସଫଳ କରିବାରେ କାମ କରିଥିବା ଓଡ଼ିଶା ଦଳର କେବଳ ଜଣେ ପ୍ରତିନିଧି। ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦର୍ଶନରେ ଆମେ ଅନୁପ୍ରାଣିତ ବୋଲି ପୁରସ୍କାର ଗ୍ରହଣ କରିବା ପରେ ଶ୍ରୀ ପାଣ୍ଡିଆନ୍ କହିଛନ୍ତି। ଏଫ୍ଆଇଏଚ୍ ସଭାପତି ତୟାବ ଇକ୍ରାମ କହିଛନ୍ତି ‘‘ଗତ ଦୁଇ ସପ୍ତାହ ହେଲା ଆମେ ଏଠାରେ ଯାହା ଦେଖୁଛୁ ପ୍ରକୃତରେ ଅବିଶ୍ବସନୀୟ! କେବଳ ଅତ୍ୟାଧୁନିକ ସୁବିଧା ନୁହେଁ ହକି ପାଇଁ ଓଡ଼ିଶାବାସୀଙ୍କ ଉତ୍ସାହ ଆମକୁ ପ୍ରଭାବିତ କରିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ସହ ମିଶି ଶ୍ରୀ ପାଣ୍ଡିଆନ୍ ଏହି ବିଶ୍ୱକପ୍କୁ ସଫଳ କରିବାରେ ପ୍ରମୁଖ ଭୂମିକା ତୁଲାଇଥିଲେ। ଏହି କାର୍ଯ୍ୟପାଇଁ ଏଫ୍ଆଇଏଚ୍ ତରଫରୁ ଏବଂ ବ୍ୟକ୍ତିଗତ ଭାବେ ତାଙ୍କୁ କୃତଜ୍ଞତା ଜଣାଉଛି। Share