ଟ୍ବେଣ୍ଟି୨୦ କ୍ରିକେଟ୍ରେ ବିଶ୍ବରେ ସର୍ବାଧିକ ସ୍କୋରର୍ ହେଲେ ରୋହିତ ଶର୍ମା
ଚଳିତ ଆଇସିସି ଟ୍ବେଣ୍ଟି୨୦ ବିଶ୍ବକପ୍ର ସୁପର ଏଇଟ୍ ମ୍ୟାଚ୍ରେ ଅଷ୍ଟ୍ରେଲିଆ ବିପକ୍ଷରେ ଭାରତୀୟ ଅଧିନାୟକ ରୋହିତ ଶର୍ମା ବିସ୍ଫୋରକ ୯୨ ରନ୍ ସ୍କୋର୍ କରିଥିଲେ। ଓପ୍ନର ରୋହିତ ୪୧ ବଲ୍ରୁ ୮ଟି ଛକା ଓ ୭ଟି ଚୌକା ସହ ୯୨ ରନ୍ କରିଥିଲେ। ଏହି ମ୍ୟାଚ୍ ଜିତି ଭାରତ ସେମିଫାଇନାଲରେ ପ୍ରବେଶ କରିଥିବା ବେଳେ ରୋହିତ ଏକାଧିକ ବିଶ୍ବ କୀର୍ତ୍ତିମାନ ପ୍ରତିଷ୍ଠା କରିଛନ୍ତି।
ରୋହିତ ଆନ୍ତର୍ଜାତିକ ଟ୍ବେଣ୍ଟି୨୦ କ୍ରିକେଟ୍ରେ ବିଶ୍ବରେ ସର୍ବାଧିକ ସ୍କୋରର୍ ହୋଇ ପାରିଛନ୍ତି। ରୋହିତ ୧୫୭ଟି ଆନ୍ତର୍ଜାତିକ ଟ୍ବେଣ୍ଟି୨୦ ମ୍ୟାଚ୍ରୁ ୪୧୬୫ ରନ୍ କରିଛନ୍ତି। ଫଳରେ ପାକିସ୍ତାନ ଅଧିନାୟକ ବାବର ଆଜମ୍ଙ୍କ ୪୧୪୫ ରନ୍କରି ଅତିକ୍ରମ କରି ରୋହିତ ସର୍ବାଧିକ ରନ୍ ସ୍କୋରର୍ ହୋଇଛନ୍ତି। ରୋହିତ ୧୫୭ ଟି୨୦ ମ୍ୟାଚ୍ରୁ ୫ଟି ଶତକ ଓ ୩୧ଟି ଅର୍ଦ୍ଧଶତକ ସହ ୪୧୬୫ ରନ୍ କରିଛନ୍ତି।
ପୁଣି ବିରାଟ କୋହଲିଙ୍କ ୪୧୦୩ ରନ୍କରି ଅତିକ୍ରମ କରି ରୋହିତ ଭାରତର ସର୍ବାଧିକ ଟ୍ବେଣ୍ଟି୨୦ ସ୍କୋରର୍ ହୋଇଛନ୍ତି। ପୁଣି ଆନ୍ତର୍ଜାତିକ ଟ୍ବେଣ୍ଟି୨୦ ମ୍ୟାଚ୍ରେ ବିଶ୍ବର ପ୍ରଥମ ବ୍ୟାଟ୍ସମ୍ୟାନ୍ ଭାବେ ରୋହିତ ୨୦୦ ଛକା ଅତିକ୍ରମ କରିଛନ୍ତି। ଅଦ୍ୟାବଧି ରୋହିତ ୨୦୩ଟି ଛକା ମାରିଛନ୍ତି। ପୁଣି ଟ୍ବେଣ୍ଟି୨୦ ବିଶ୍ବକପ୍ ମ୍ୟାଚ୍ରେ ସର୍ବାଧିକ ୮ଟି ଛକା ରୋହିତ ମାରିଛନ୍ତି।
୨୦୦୭ରେ ଇଂଲଣ୍ଡ ବିପକ୍ଷରେ ଯୁବରାଜ ସିଂହ ୭ଟି ଛକା ମାରିଥିଲେ। ଏହାସହ ୯୨ ରନ୍କରି ଟ୍ବେଣ୍ଟି୨୦ ବିଶ୍ବକପ୍ ମ୍ୟାଚ୍ରେ ଭାରତୀୟ ଅଧିନାୟକ ଭାବେ ରୋହିତ ସର୍ବାଧିକ ରନ୍ କରିଛନ୍ତି। ଏହି ରେକର୍ଡ ପୂର୍ବରୁ ୨୦୨୧ରେ ବିରାଟ କୋହଲି (୫୧)ଙ୍କ ନାମରେ ଥିଲା। ପୁଣି ଯେକୌଣସି ଟ୍ବେଣ୍ଟି୨୦ ମ୍ୟାଚ୍ରେ ଓପ୍ନର ଭାବେ ସର୍ବାଧିକ ୫୨୯ଟି ଛକା ମାରିବାରେ କ୍ରିସ୍ ଗେଲ୍ଙ୍କ ସହ ସମକକ୍ଷ ହୋଇଛନ୍ତି ରୋହିତ ଶର୍ମା।