କିଏ ଜନତାଙ୍କ ପ୍ରଥମ ପସନ୍ଦ?

ରାଜ୍ୟସଭା ନିର୍ବାଚନ ଶେଷ ହୋଇସାରିଛି । ଆଗାମୀ ଦୁଇ ମାସ ଭିତରେ ଲୋକସଭା ନିର୍ବାଚନ ହେବାର ସମ୍ଭାବନା ରହିଛି । ନିର୍ବାଚନ ଆୟୋଗଙ୍କ ପକ୍ଷରୁ ଏହି ବାବଦରେ କୌଣସି ସୂଚନା ପ୍ରଦାନ କରାଯାଇନାହିଁ । ଅନୁମାନ କରାଯାଉଛି ଯେ, ନିର୍ବାଚନ ଆୟୋଗ ସାଧାରଣ ନିର୍ବାଚନର ତାରିଖକୁ ଘୋଷଣା କରିପାରନ୍ତି ।ତେବେ ଏହି ସମୟ ମଧ୍ୟରେ ନିର୍ବାଚନ ସର୍ଭେ କରାଯାଉଛି । ବିଜେପି ୪୦୦ ପ୍ଲସ ସ୍ଲୋଗାନ ସହିତ ପୁଣି ଥରେ କ୍ଷମତାକୁ ଫେରିବାର ଯୋଜନା କରୁଛି । ୨୦୨୪ରେ ଯଦି ଜନତାଙ୍କ ନିଷ୍ପତ୍ତି ଏନଡିଏ ପକ୍ଷରେ ଆସୁଛି ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୂନର୍ବାର ପ୍ରଧାନମନ୍ତ୍ରୀ ହେବେ ।ଏହାରି ମଧ୍ୟରେ ୫ ମାସ ପୂର୍ବରୁ କରାଯାଉଥିବା ସର୍ଭେ ମାଧ୍ୟମରେ ଜାଣିବାକୁ ଚେଷ୍ଟା କରାଯାଉଛି ଯେ, ୨୦୨୪ରେ ପ୍ରଧାନମନ୍ତ୍ରୀଙ୍କ ପାଇଁ କେଉଁ ପ୍ରାର୍ଥୀ ଜନତାଙ୍କ ପ୍ରଥମ ପସନ୍ଦ । ଲୋକମାନଙ୍କୁ ଏହି ସର୍ଭେରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ମମତା ବାନାର୍ଜୀ, ରାହୁଲ ଗାନ୍ଧୀ, ନୀତିଶ କୁମାର ଭଳି ନାମ ଦିଆଯାଇଥିଲା, ଯେଉଁଥିରେ ଲୋକମାନେ କହିଛନ୍ତି ଯେ ଆଗାମୀ ନିର୍ବାଚନରେ କେଉଁ ନେତାଙ୍କୁ ନିଜ ପ୍ରଧାନମନ୍ତ୍ରୀ କରିବେ ୫ ମାସ ପୂର୍ବରୁ ପିଏମ ମୋଦୀ ପ୍ରଧାନମନ୍ତ୍ରୀ ପଦବୀ ଲାଗି ପ୍ରଥମ ପସନ୍ଦ ଥିଲେ । ୬୧ ପ୍ରତିଶତ ଲୋକ ପ୍ରଧାନମନ୍ତ୍ରୀ ରୂପେ ପିଏମ ନରେନ୍ଦ୍ର ମୋଦୀଙ୍କୁ ଚୁୟନ କରିଥିଲେ । ମମତା ବାନାର୍ଜୀଙ୍କୁ ପସନ୍ଦ କରୁଥିବା ସଂଖ୍ୟା ବହୁତ କମ ଥିଲା । ୩ ପ୍ରତିଶତ ଲୋକେ ମମତା ବାନାର୍ଜୀ ଏବଂ ଅରବିନ୍ଦ କେଜ୍ରିୱାଲଙ୍କୁ ପ୍ରଧାନମନ୍ତ୍ରୀ ଭାବେ ଦେଖିବାକୁ ଚାହୁଁଥିଲେ । ସେହିପରି ନିତିଶ କୁମାର ଏବଂ ମାୟାବତୀଙ୍କୁ ୬ ପ୍ରତିଶତ ଲୋକ ଏବଂ ମାୟାବତୀଙ୍କୁ ପ୍ରଧାନମନ୍ତ୍ରୀ ପଦବୀ ପାଇଁ ପ୍ରଥମ ପସନ୍ଦ ବୋଲି ଅଭିହିତ କରିଥିଲେ ।