ଦିନେ ବିଜେଡିକୁ ଶକ୍ତିଶାଳୀ କରିଥିବା ବଡ଼ ବଡ଼ ନେତା ଆଜି ଦଳର ହାତ ଛାଡ଼ି ଦେଇଛନ୍ତି । ଜଣକ ପରେ ଜଣେ ସାଂସଦ ତଥା ବିଧାୟକ ଶଙ୍ଖ ଛାଡ଼ି ଅନ୍ୟ ଦଳରେ ସାମିଲ ହେଉଛନ୍ତି । ଯାହା ଫଳରେ ବିଜେଡି ନିଜର A.A.S.A(Anubhav-Akash-Siddhant-Arindam) ହରାଇ ବସିଛି । ନିର୍ବାଚନରେ ବିପୁଳ ବିଜ ହାସଲ କରିଥିବା ଅନେକ ପୁରୁଣା ଚେହେରା ଅଜି ଦଳରୁ ଦୂରେଇ ଯାଉଛନ୍ତି । ଆଉ ଏଥିରେ ସାମିଲ ରହିଛି କିଛି ସିନେ ସୁପରଷ୍ଟାର । ବିଜେଡିକୁ ବିଭିନ୍ନ ନିର୍ବାଚନ ମଣ୍ଡଳୀରୁ ପ୍ରତିନିଧିତ୍ୱ କରିଥିବା ୪ ଜଣ ସୁପରଷ୍ଟାର ଏବେ ଦଳର ହାତ ଛାଡ଼ିଛନ୍ତି । ବର୍ତ୍ତମାନ କେନ୍ଦ୍ରପଡ଼ା ସାଂସଦ ଅନୁଭବ ମହାନ୍ତି ଏବଂ କୋରେଇ ପୂର୍ବତନ ବିଧାୟକ ଆକାଶ ଦାସନାୟକ ବିଜେଡିରୁ ଇସ୍ତଫା ଦେଇଥିବା ବେଳେ ପୂର୍ବରୁ ସିଦ୍ଧାନ୍ତ ମହାପାତ୍ର ଏବଂ ଅରିନ୍ଦମ ରାୟ ମଧ୍ୟ ଦଳରୁ ବିଦାୟ ନେଇଥିଲେ । ତେବେ ଏହି ୪ ଜଣଙ୍କ ଇସ୍ତଫା ପରେ ବିଜେଡି ଏବେ ନିଜର ସୁପରଷ୍ଟାରଙ୍କୁ ହରାଇଛି । ତେଣୁ ଏବେ ପ୍ରଶ୍ନ ଉଠିଛି ଯେ, ବିଜେଡି ଏଥର କାହାକୁ ନେଇ ଲଢିବ ନିର୍ବାଚନ ଏବଂ କାହା ଶକ୍ତିରେ ଜିତିବ ଗାଦି?କିଛି ସମୟ ପୂର୍ବରୁ ବିଜୁ ଜନତା ଦଳ ପକ୍ଷରୁ କେନ୍ଦ୍ରାପଡ଼ାର ସାଂସଦ ଅନୁଭବ ମହାନ୍ତି ଏବଂ ଯାଜପୁର କୋରେଇ ବିଧାୟକ ଆକାଶ ଦାସନାୟକ ବିଜେଡିରୁ ଇସ୍ତଫା ଦେଇଛନ୍ତି । ଦିନେ ବିଧାନସଭାରୁ ଲୋକସଭା ବିଜେଡି ପାଇଁ ପ୍ରତିନିଧିତ୍ୱ କରୁଥିଲେ, କିନ୍ତୁ ଆଜି ବିଜେଡିରୁ ନିଜକୁ ଦୂରେଇ ଦେଇଛନ୍ତି ଏହି ଦୁଇ ସିନେ ଷ୍ଟାର । ଏକାସାଙ୍ଗରେ ଦଳର ଦୁଇ ଯୁବ ନେତା ତଥା ଦଳର ଗୌରବ ସେମାନଙ୍କ ପଦ ଛାଡ଼ିବା ପରେ ବିଜେଡିକୁ ଡବଲ ଝଟକା ଲାଗିଛି । ୨୦୧୯ ନିର୍ବାଚନରେ କେନ୍ଦ୍ରପଡ଼ାରୁ ରାଜ୍ୟସଭା ପ୍ରାର୍ଥୀ ଭାବରେ ଲଢିଥିଲେ ଓଲିଉଡ ସୁପରଷ୍ଟାର ଅନୁଭବ ମହାନ୍ତି । ବିଜେପି ପ୍ରଭାରୀ ବୈଜୟନ୍ତ ପଣ୍ଡାଙ୍କୁ ଦେଢ ଲକ୍ଷରୁ ଅଧିକ ଭୋଟରେ ପରାସ୍ତ କରି ବିଜୟ ହାସଲ କରିଥିଲେ ଅନୁଭବ । ତେଣୁ ବିଜେଡି ପାଇଁ ଅନୁଭବ ଜଣେ ଗୁରୁତ୍ୱପୂର୍ଣ୍ଣ ପ୍ରାର୍ଥୀ ରହିଥିଲେ ।କିନ୍ତୁ ଚଳିତବର୍ଷ ନିର୍ବାଚନରେ ବିଜେଡି କେନ୍ଦ୍ରପଡ଼ାରେ ଅନୁଭବଙ୍କ ପରିବର୍ତ୍ତେ ଅଂଶୁମାନ ମହାନ୍ତିଙ୍କୁ ଟିକେଟ ପ୍ରଦାନ କରିଛି । ଏହାପରେ ଆଜି ବିଜେଡିରୁ ବିଦାୟ ନେଇଛନ୍ତି ଅନୁଭବ ମହାନ୍ତି । କେନ୍ଦ୍ରାପଡ଼ା ସାଂସଦ ତଥା ଓଲିଉଡ ସୁପରଷ୍ଟାର ଅନୁଭବ ମହାନ୍ତି ଏବେ ବିଜୁ ଜନତା ଦଳରୁ ଇସ୍ତଫା ପ୍ରଦାନ କରିଛନ୍ତି । କିଛି ଦିନରୁ ହେଉଥିବା ଚର୍ଚ୍ଚା ଉପରେ ପୂର୍ଣ୍ଣଚ୍ଛେଦ ପକାଇ ବିଜେଡିରୁ ଦୂରେଇ ଯାଇଛନ୍ତି ଅନୁଭବ । ଦଳରୁ ଇସ୍ତଫା ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ସେ ଚିଠି ଲେଖି ଜଣାଇଛନ୍ତି । ତେବେ ଦଳ ଛାଡ଼ିବା ନେଇ ଅନୁଭବ କୌଣସି କାରଣ ସମ୍ପର୍କରେ ଉଲ୍ଲେଖ କରିନାହାନ୍ତି ।କିଛି ଦିନ ତଳେ ଏହି ୪ ଜଣ ସିନେ ଷ୍ଟାର ବିଜେଡି ପାଇଁ ପ୍ରମୁଖ ଅସ୍ତ୍ର ଥିଲେ । କିନ୍ତୁ ଆଜି ଜଣ ଜଣ କରି ସମସ୍ତେ ଦଳରୁ ବିଦାୟ ନେଇଛନ୍ତି । ଅରିନ୍ଦମ ଏବଂ ସିଦ୍ଧାନ୍ତ ବିଜେପିରେ ସାମିଲ ହୋଇ ସାରିଥିବା ବେଳେ ଅନୁଭବ ଏବଂ ଆକାଶ ମଧ୍ୟ ଦଳରେ ସାମିଲ ହୋଇପାରନ୍ତି ବୋଲି ଚର୍ଚ୍ଚା ହେଉଛି । ତେବେ ବର୍ତ୍ତମାନ ସୁଦ୍ଧା ଏ ନେଇ କୌଣସି ସ୍ପଷ୍ଟ ସୂଚନା ମିଳିନାହିଁ ।
Trending
- ସରକାରଙ୍କ ସହ ଡ୍ରାଇଭର ମହାସଂଘର ଆଲୋଚନାରୁ ବାହାରିଲାନି ନିଷ୍କର୍ସ,ଆନ୍ଦୋଳନ ଜାରି
- ୬ଦଫା ଦାବିରେ ଦେଶବ୍ୟାପି ଶ୍ରମିକ ସଙ୍ଗଠନ ପକ୍ଷରୁର ଆଜି ଭାରତ ବନ୍ଦ ଡାକରା
- ଦିଲ୍ଲୀରେ ସମସ୍ତ ମାଂସ ଦୋକାନ ବନ୍ଦ
- ଆଜି ମୁଣ୍ଡୁଳିରେ ପହଞ୍ଚିବ ହୀରାକୁଦ ପାଣି
- ଆଜି ଠୁ ରାଜ୍ୟବ୍ୟାପୀ ଷ୍ଟିଅରିଂ ଛାଡ଼ ଆନ୍ଦୋଳନ
- ରଥ ଉପରେ ଭାଙ୍ଗିଲା ଅଧର ହାଣ୍ଡି
- ହାତୀ ପୁଣି ଥରେ ମନମୋହନ ସାମଲଙ୍କ ମୁଣ୍ଡ ଉପରେ ସୁନା କଳସ ଢାଳିଛି,ନିର୍ବିବାଦୀୟ ଭାବରେ ରାଜ୍ୟ ବିଜେପି ସଭାପତି ହୋଇଛନ୍ତି
- ବନ ଓ ପ୍ରାଣୀ ସମ୍ପଦର ସୁରକ୍ଷା ପାଇଁ ବିଭିନ୍ନ ପୁରସ୍କାରର ପୁନର୍ବିନ୍ୟାସ କଲେ ସରକାର
- ଆଜି ୯୦ ବର୍ଷ ବୟସରେ ପଦାର୍ପଣ କଲେ ତିବ୍ଦତୀୟ ବୌଦ୍ଧ ଧର୍ମାବଲମ୍ବୀଙ୍କ ଆଧ୍ୟାତ୍ମିକ ନେତା ଦଲାଇ ଲାମା
- ଳିତବର୍ଷର ପ୍ରଥମ ବନ୍ୟାଜଳ ଛାଡ଼ିଲା ହୀରାକୁଦ
Prev Post
Next Post