ପଦ ଛାଡ଼ିବା ପୂର୍ବରୁ ଦେଶ ବାସୀଙ୍କୁ ସମ୍ବୋଧିତ କଲେ କୋବିନ୍ଦ

ଭାରତର ରାଷ୍ଟ୍ରପତି ରାମନାଥ କୋବିନ୍ଦ ପଦ ଛାଡ଼ିବାର ଗୋଟିଏ ଦିନ ପୂର୍ବରୁ ରବିବାର ଦେଶ ବାସୀଙ୍କୁ ସମ୍ବୋଧିତ କରିଛନ୍ତି। କୋବିନ୍ଦ ନିଜ ଅନୁଭବ ଉପରେ ଚର୍ଚ୍ଚା କରି କହିଛନ୍ତି, ‘ଅନେକ ଦେଶ ଗସ୍ତ କରିବା ପରେ ମୋ ଭିତରେ ବିଶ୍ୱାସ ଦୃଢ଼ ହୋଇଛି ଯେ ଆମର ଲୋକ ହିଁ ବାସ୍ତବ ରାଷ୍ଟ୍ର ନିର୍ମାତା। ଏଭଳି ମହାନ ଦେଶବାସୀଙ୍କ ହାତରେ ଆମର ଭବିଷ୍ୟତ ସୁରକ୍ଷିତ’।ରାଷ୍ଟ୍ରପତି କହିଛନ୍ତି, ‘ଯେତେବେଳେ ମୁଁ ନିଜର ଛୋଟ ଗାଁରେ ବାଳକପରି ମୋ ଭବିଷ୍ୟତକୁ ବୁଝିବାକୁ ଚେଷ୍ଟା କରୁଥିଲି। ସେତେବେଳେ ଦେଶ ସ୍ୱାଧୀନତା ପାଇବାର ମାତ୍ର କିଛି ବର୍ଷ ହୋଇଥିଲା। ମୋର ଆଶା ଥିଲା ଯେ ଦେଶ ନିର୍ମାଣରେ ଯୋଗଦାନ କରିବି। ଆମ ଭାରତ ଗଣତନ୍ତ୍ରର ଶକ୍ତି ଏହା ଯେ ସବୁ ନାଗରିକଙ୍କ ପାଇଁ କବାଟ ଖୁଲା ରହିଥାଏ ସେମାନେ କିଛି ବି କରିପାରିବେ’।  ସେ ଆହୁରି କହିଛନ୍ତି, ମୋର କାର୍ଯ୍ୟକାଳ ଭିତରେ ସମାଜର ସବୁ ବର୍ଗଙ୍କ ପାଖରୁ ପୂର୍ଣ୍ଣ ସହଯୋଗ, ସମର୍ଥନ ଓ ଆଶୀର୍ବାଦ ପାଇଛି। କୋବିନ୍ଦ କହିଛନ୍ତି, “ଯଦି କାନପୁରର ଏକ ଗାଁରୁ ଜଣେ ବ୍ୟକ୍ତି ଆଜି ଆପଣଙ୍କୁ ସମ୍ବୋଧିତ କରୁଛନ୍ତି, ତେବେ ଏହା ଭାରତର ଗଣତନ୍ତ୍ରର ଜୀବନ୍ତ ପ୍ରମାଣ।