ଆଜି ସରଗରମ ହେବ ବିଧାନସଭା

ଆଜି ସରଗରମ ହେବ ବିଧାନସଭା । ସରକାରଙ୍କୁ ବିଭିନ୍ନ ପ୍ରସଙ୍ଗରେ ଘେରିବାକୁ ବିରୋଧୀଙ୍କ ସଜବାଜ ।  5T ସଚିବଙ୍କ ଜିଲ୍ଲା ଗସ୍ତ ସହ ଶିକ୍ଷା ଓ ସ୍ବାସ୍ଥ୍ୟ ବିଭାଗର ବିପର୍ଯ୍ୟସ୍ତ ଅବସ୍ଥା ସହ ଡେଙ୍ଗୁ ଅଣାୟତ୍ତକୁ ମୁଦ୍ଦା କରିବ ବିରୋଧୀ ଦଳ ବିଜେପି । ସେହିପରି ଶିକ୍ଷକ ଆନ୍ଦୋଳନକୁ ନେଇ ସରକାରଙ୍କୁ ଘେରିବେ ଉଭୟ ବିଜେପି ଓ କଂଗ୍ରେସ ।  ସରକାରୀ ଅର୍ଥକୁ ଦଳୀୟ କାର୍ଯ୍ୟରେ ବିନିଯୋଗ କରିବା, ଆଇନ ଶୃଙ୍ଖଳା, ବେକାରୀ, ଶିକ୍ଷା, ସ୍ବାସ୍ଥ୍ୟ, ବଜେଟ୍ ଅର୍ଥ ଖର୍ଚ୍ଚ ନହେବା ଭଳି ପ୍ରସଙ୍ଗକୁ ଆୟୁଧ କରିବେ ବିରୋଧୀ ଦଳ। ଆଜି ପ୍ରଶ୍ନକାଳରେ ସ୍ଵରାଷ୍ଟ୍ର, ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ, ସ୍ବାସ୍ଥ୍ୟ, ନିର୍ମାଣ,ଖଣି ଓ ଇସ୍ପାତ ଭଳି ବିଭାଗ ଉପରେ ଆଲୋଚନା ହେବ।