ବିଶ୍ୱର ସବୁଠାରୁ ଲମ୍ବା ଡବଲ-ଲେନ ସୁଡଙ୍ଗ

ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦେଶର ସର୍ବୋଚ୍ଚ ସ୍ଥାନରେ ନିର୍ମିତ ବିଶ୍ୱର ଦୀର୍ଘତମ ସେଲା ଟନେଲକୁ ଦେଶକୁ ଉତ୍ସର୍ଗ କରିଛନ୍ତି। ସେ ଆସାମ ଏବଂ ଅରୁଣାଚଳକୁ କୋଟି କୋଟି ଟଙ୍କା ମୂଲ୍ୟର ଉପହାର ମଧ୍ୟ ଦେଇଛନ୍ତି। ସୂଚନାଯୋଗ୍ୟ,, ସାମରିକ ଦୃଷ୍ଟିରୁ ଗୁରୁତ୍ୱପୂର୍ଣ୍ଣ ଏହି ଟନେଲ ହେଉଛି ୧୩,୦୦୦ ଫୁଟ ଉଚ୍ଚରେ ନିର୍ମିତ ଲମ୍ବା ଟନେଲ। ଏହି ଡବଲ ଲେନ ବାଲା ଅଲ ଓ୍ବେଦର ଟନେଲ ଅରୁଣାଚଳ ପ୍ରଦେଶର ପଶ୍ଚିମ କାମିଙ୍ଗ ଏବଂ ତାୱାଙ୍ଗ ଜିଲାକୁ ସଂଯୋଗ କରିବ।ଏହି ସମୟରେ ପ୍ରଧାନମନ୍ତ୍ରୀ ତାଙ୍କ ସମ୍ବୋଧନରେ କହିଛନ୍ତି ଯେ, ଆଜି ମୁଁ ଉତ୍ତର-ପୂର୍ବର ସମସ୍ତ ରାଜ୍ୟ ସହିତ ବିକଶିତ ଉତ୍ତର-ପୂର୍ବର ଏହି ଉତ୍ସବରେ ଅଂଶଗ୍ରହଣ କରିବାର ସୁଯୋଗ ପାଇଲି। ଏକ ବିକଶିତ ରାଜ୍ୟରୁ ବିକଶିତ ଦେଶ ପର୍ଯ୍ୟନ୍ତ ଭାରତର ଜାତୀୟ ଉତ୍ସବ ସମଗ୍ର ଦେଶରେ ଦ୍ରୁତ ଗତିରେ ଜାରି ରହିଛି। ସେ ତାଙ୍କ ଅଭିଭାଷଣରେ କହିଛନ୍ତି ଯେ ଆପଣଙ୍କ ସ୍ବପ୍ନ ମୋଦିଙ୍କ ସଂକଳ୍ପ।