ଜମ୍ମୁ ଓ କଶ୍ମୀରରେ ଗୁଳିଚାଳନା

ଗତକାଲି ରାତିରେ ଜମ୍ମୁ ଓ କଶ୍ମୀର ଅନ୍ତର୍ଗତ ଆର୍ଣ୍ଣିଆ ସେକ୍ଟର୍‌ର ସୀମାନ୍ତ ଅଞ୍ଚଳରେ ପାକିସ୍ତାନୀ ସେନା ଅକାରଣରେ ଗୁଳି ଚଳାଇବା ଓ ‘ମୋର୍ଟାର୍‌ ସେଲିଙ୍ଗ୍‌’ ଫିଙ୍ଗିବାରୁ ୨ଜଣ ‘ବିଏସ୍‌ଏଫ୍‌’ ଯବାନ ଓ ଜଣେ ସାଧାରଣ ନାଗରିକ ଆହତ ହୋଇଥିବା କଥା ‘ଇଣ୍ଡିଆ ଟୁଡେ’ ରିପୋର୍ଟ କରିଛି। ‘ବିଏସ୍‌ଏଫ୍‌’ର ଜଣେ ମୁଖପାତ୍ର କହିଛନ୍ତି, ରାତି ପ୍ରାୟ ୮ ବେଳେ ଆର୍ଣ୍ଣିଆ ସେକ୍ଟର୍‌ ଆଡ଼କୁ ପାକିସ୍ତାନୀ ସେନା ଗୁଳି ଚଳାଇବା ଆରମ୍ଭ କରିଥିଲେ। ଏହି ଅକାରଣ ଗୁଳି ଚାଳନାର ଉପଯୁକ୍ତ ଜବାବ ମଧ୍ୟ ଦିଆଯାଇଛି।ଜମ୍ମୁର ଆର୍ଣ୍ଣିଆ ଅଞ୍ଚଳର ଜଣେ ବାସିନ୍ଦା ସମ୍ବାଦ ସରବରାହ ସଂସ୍ଥାନ ‘ପିଟିଆଇ’କୁ କହିଛନ୍ତି, ସନ୍ଧ୍ୟା ବେଳେ ଗୁଳି ଚାଳନା ଆରମ୍ଭ ହେଲା। ପ୍ରାୟ ୪ ବର୍ଷ ପରେ ଏଭଳି ଅଘଟଣ ଘଟିଛି। ଆମ ସହିତ ଆମ ପିଲାପିଲି ଅଛନ୍ତି। ସବୁ ଘର ‘ବଙ୍କର୍‌’ ହୋଇ ନ ଥିବାରୁ ଏହା ଆମ ପାଇଁ ବଡ଼ ଉଦ୍‌ବିଗ୍ନର ବିଷୟ।