ରୋହିତଙ୍କୁ ‘ମୋଟା’କହିଥିବା କଂଗ୍ରେସ ନେତ୍ରୀ ଜଣାଇଲେ ଶୁଭେଚ୍ଛା
ଆଇସିସି ଚାମ୍ପିୟନ୍ସ ଟ୍ରଫିର ସେମିଫାଇନାଲରେ ଅଷ୍ଟ୍ରେଲିଆକୁ ପରାସ୍ତ କରି ଟିମ ଇଣ୍ଡିଆ ଫାଇନାଲରେ ପହଞ୍ଚିଛି। ରୋହିତ ଶର୍ମାଙ୍କୁ ‘ମୋଟା’ ବୋଲି କହିଥିବା କଂଗ୍ରେସ ମୁଖପାତ୍ର ଶମା ମହମ୍ମଦ ମଧ୍ୟ ଏହି ବିଜୟ ପାଇଁ ଟିମ ଇଣ୍ଡିଆକୁ ଅଭିନନ୍ଦନ ଜଣାଇଛନ୍ତି। ଶମା ମହମ୍ମଦ କହିଛନ୍ତି, ମୁଁ ଫାଇନାଲ ମ୍ୟାଚ ପାଇଁ ବହୁତ ଉତ୍ସାହିତ। ରୋହିତ ଶର୍ମାଙ୍କ ଅଧିନାୟକତ୍ୱରେ ଭାରତ ଅଷ୍ଟ୍ରେଲିଆ ବିପକ୍ଷ ସେମିଫାଇନାଲ ମ୍ୟାଚ ଜିତିଥିବାରୁ ମୁଁ ବହୁତ ଖୁସି। ୮୪ ରନ କରିବା ପାଇଁ ମୁଁ ବିରାଟ କୋହଲିଙ୍କୁ ମଧ୍ୟ ଅଭିନନ୍ଦନ ଜଣାଉଛି। ମୁଁ ବହୁତ ଉତ୍ସାହିତ ଏବଂ ଫାଇନାଲ ପାଇଁ ଅପେକ୍ଷା କରିଛି।