ପଶ୍ଚିମବଙ୍ଗରେ ନିର୍ବାଚନ ହିଂସା: ବଢ଼ୁଛି ମୃତ୍ୟୁ ସଂଖ୍ୟା

କୋଲକାତା: ପଶ୍ଚିମବଙ୍ଗରେ ପଞ୍ଚାୟତ ନିର୍ବାଚନରେ ଏଥର ବ୍ୟାପକ ହିଂସାକାଣ୍ଡ ଘଟିଛି । ନିର୍ବାଚନ ଶେଷ ହେବା ପରେ ବି ନିର୍ବାଚନୀ ହିଂସା ବନ୍ଦ ହୋଇନାହିଁ।  ନିର୍ବାଚନୀ ହିଂସାରେ ମୃତ୍ୟୁସଂଖ୍ୟା ୨୦ରେ ପହଞ୍ଚିଛି। କିଛି ହତ୍ୟାକାଣ୍ଡ ପାଇଁ ତୃଣମୂଳ କଂଗ୍ରେସ ବିରୋଧୀ କଂଗ୍ରେସକୁ ଦାୟୀ କରିଛି। କଂଗ୍ରେସ, ବିଜେପି ଟିମସିକୁ ଦାୟୀ କରୁଛନ୍ତି । ରାଜ୍ୟର ବିଭିନ୍ନ ଜିଲ୍ଲାରେ ପଞ୍ଚାୟତ ନିର୍ବାଚନକୁ ନେଇ ଉତ୍ତେଜନା ଜାରି ରହିଛି। ଭୋଟ୍‌ ଗ୍ରହଣ ପରେ ମଧ୍ୟ କଂଗ୍ରେସ ଓ ଟିଏମ୍‌ସି ସମର୍ଥକମାନେ ୫୦ରୁ ଅଧିକ ଗ୍ରାମରେ ମୁହାଁମୁହିଁ ସ୍ଥିତିରେ ଅଛନ୍ତି। ଶନିବାର ନିର୍ବାଚନ ପାଇଁ ଭୋଟଗ୍ରହଣ ଶେଷ ହୋଇଥିବା ବେଳେ ଅନେକ ଜାଗାରେ ହିଂସାକାଣ୍ଡ ଘଟିଛି। ଅନେକ ଲୋକ ଭୋଟବାକ୍ସ ଭଙ୍ଗାରୁଜା କରିବା ସହ କେତେକ ଗାଁରେ ବିରୋଧୀଙ୍କ ଘର ଉପରକୁ ବୋମା ପକାଇଥିଲେ।