କୋଲକାତା ବଳାତ୍କାର ହତ୍ୟା ମାମଲାରେ 10 ଡାକ୍ତରଙ୍କ ଉପରେ ପଡ଼ିଲା ଚଡ଼କ
କୋଲକାତା ସ୍ଥିତ ଆରଜି କର ମେଡିକାଲ କଲେଜରେ କଣ ସବୁ ଚାଲିଥିଲା? କିଏ ସେଠି ଦୁର୍ନୀତି କରିଥିଲେ? ଡାକ୍ତରମାନେ କିପରି ବେନିୟମ କାର୍ଯ୍ୟ କରିଥିଲେ । ଫଳସ୍ବରୂପ ହସ୍ପିଟାଲର କର୍ତ୍ତୃପକ୍ଷ ଏକ ବିଜ୍ଞପ୍ତି ଜାରି କରି ୧୦ ଜଣ ଡାକ୍ତରଙ୍କୁ ବହିଷ୍କାର କରିବାକୁ ନିଷ୍ପତ୍ତି ନେଇଛନ୍ତି। ଏଥିରେ ଇଣ୍ଟର୍ନ, ହାଉସ ଷ୍ଟାଫ ଏବଂ ବରିଷ୍ଠ ରେଜିଡେଣ୍ଟ ଅନ୍ତର୍ଭୁକ୍ତ|
ପୂର୍ବତନ ତଥା ବିବାଦୀୟ ପ୍ରିନ୍ସିପାଲ ସନ୍ଦୀପ ଘୋଷଙ୍କର ସମସ୍ତେ ଅତ୍ୟନ୍ତ ଘନିଷ୍ଠ ଥିବା ଜଣାପଡ଼ିଛି । ଏ ସମସ୍ତେ ଘୋଷଙ୍କର ବିଶ୍ୱାସୀ, ଯାହା ବିରୋଧରେ ସିବିଆଇ ଦୁଇଟି ମାମଲାରେ ଅନୁସନ୍ଧାନ କରୁଛି। ପ୍ରଥମ ମାମଲା ଜୁନିଅର ଡାକ୍ତରଙ୍କୁ ବଳାତ୍କାର ଓ ହତ୍ୟା ମାମଲା ଏବଂ ଦ୍ୱିତୀୟ ମାମଲାଟି ଗୁରୁତର ଆର୍ଥିକ ଅନିୟମିତତା।
ମେଡିକାଲରୁ ବହିଷ୍କୃତ ହୋଇଥିବା ୧୦ଜଣଙ୍କ ମଧ୍ୟରେ ଆର୍ଥିକ ଅନିୟମିତତା ଅଭିଯୋଗରେ ସିବିଆଇ ହେପାଜତରେ ଥିବା ହାଉସ ଷ୍ଟାଫ ଆଶିଷ ପାଣ୍ଡେ ଅଛନ୍ତି। ଆୟୁଶି ଥାପା ହେଉଛନ୍ତି ୧୦ଜଣ ବହିଷ୍କୃତ ଡାକ୍ତରଙ୍କ ଦଳରେ ଏକମାତ୍ର ମହିଳା ଡାକ୍ତର।
ବହିଷ୍କୃତ ହୋଇଥିବା ବ୍ୟକ୍ତିମାନେ ଅନ୍ୟକୁ ପରୀକ୍ଷାରେ ଫେଲ କରାଇଦେବା କିମ୍ବା ହଷ୍ଟେଲରୁ ବାହାରକୁ ବାହାର କରିଦେବା, ଜୁନିଅର ଛାତ୍ରମାନଙ୍କୁ ଏକ ନିର୍ଦ୍ଦିଷ୍ଟ ରାଜନୈତିକ ଦଳରେ ଯୋଗଦେବାକୁ ବାଧ୍ୟ କରିବା, ଯୌନ ଉତ୍ପୀଡ଼ନ ଏବଂ ନିର୍ଯ୍ୟାତନା, ଚୋରୀ, ମିଥ୍ୟା ଏଫଆଇଆର୍ ଦାଖଲ କରିବା ଏବଂ କେତେଜଣ ଛାତ୍ରଙ୍କୁ ଟାର୍ଗେଟ କରିବା ଓ ଶାରୀରିକ ହିଂସା ଅନ୍ତର୍ଭୁକ୍ତ ଥିବା ଜଣାପଡିଛି ।