ରାହୁଲ ଫ୍ଲାଇଂ କିସ୍ ଦେଇଥିବା ଅଭିଯୋଗ କଲେ ସ୍ମୃତି ଇରାନୀ : କାର୍ଯ୍ୟାନୁଷ୍ଠାନ ଲାଗି ବାଚସ୍ପତିଙ୍କ ନିକଟରେ ଦାବି

ନୂଆଦିଲ୍ଲୀ: ଲୋକସଭାରେ  ଆଜି ଅନାସ୍ଥା ପ୍ରସ୍ତାବକୁ ନେଇ ଆଲୋଚନା ଚାଲିଥିବା ବେଳେ ଏକ ବିବାଦ ଉପୁଜିଛି । କେନ୍ଦ୍ରୀୟ ମନ୍ତ୍ରୀ ସ୍ମୃତି ଇରାନୀ ରାହୁଲ ଗାନ୍ଧୀଙ୍କ ଉପରେ ଗୁରୁତର  ଅଭିଯୋଗ ଆଣିଛନ୍ତି । ଅଭିଯୋଗଟି ହେଉଛି କଂଗ୍ରେସ ସାଂସଦ ରାହୁଲ ଗାନ୍ଧୀ ଲୋକସଭାରେ ଭାଷଣ ଦେବା ପରେ  ଅଶ୍ଳୀଳ ଇସାରା ଦେଇଛନ୍ତି, ଯେଉଁଥିପାଇଁ ତାଙ୍କୁ ଭୁଲ ମାଗିବାକୁ ପଡିବ ବୋଲି ବିଜେପି ସାଂସଦ ମଧ୍ୟ ଦାବି କରିଛନ୍ତି । ସ୍ମୃତିଙ୍କ ଅଭିଯୋଗ ଅନୁଯାୟୀ, ସଂସଦରେ ରାହୁଲ ଗାନ୍ଧୀ ଫ୍ଲାଇଙ୍ଗ କିସ୍ ର ଇସାରା ଦେଇଛନ୍ତି ଆଉ ଏହା ଅଶ୍ଳିଳ ଅଟେ । ସ୍ମୃତି ଇରାନୀ ଏହା ଉପରେ ଆପତ୍ତି ଊଠାଇଛନ୍ତି । ଯେତେବେଳେ ମହିଳା ସାଂସଦମାନେ ସଦନରେ ବସିଥିଲେ, ସେତେବେଳେ ସେମାନଙ୍କୁ ଫ୍ଲାଇଙ୍ଗ କିସ କରିବାର ଅଙ୍ଗଭଙ୍ଗୀ କରାଯାଇଥିଲା।