ଛିନ୍ଦଓ୍ବାଡାରୁ ଲଢ଼ିବେ କମଲନାଥ

ନୂଆଦିଲ୍ଲୀ:   ୩ଟି ରାଜ୍ୟ ପାଇଁ ପ୍ରାର୍ଥୀ  ଘୋଷଣା କଲା କଂଗ୍ରେସ । ମଧ୍ୟପ୍ରଦେଶ, ଛତିଶଗଡ଼ ଓ ତେଲେଙ୍ଗାନା ପାଇଁ କଂଗ୍ରେସର ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ପ୍ରକାଶ ପାଇଥିବା ବେଳେ  ମଧ୍ୟ ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲନାଥ ଛିନ୍ଦଓ୍ବାଡ଼ାରୁ ମୈଦାନକୁ ଓହ୍ଲାଇବେ ବୋଲି ଘୋଷଣା ହୋଇଛି । ଗତଥର ମୁଖ୍ୟମନ୍ତ୍ରୀ ହୋଇଥିବା କମଲନାଥ ପୁରା ସମୟ ମୁଖ୍ୟମନ୍ତ୍ରୀ ରହିପାରିନଥିଲେ । ଅଧାରେ ତାଙ୍କ ସରକାର ଭାଙ୍ଗିଯିବାରୁ ବିଜେପି ପୁଣି ସରକାର ଗଠନ କରିଥିଲା ।  ମୁଖ୍ୟମନ୍ତ୍ରୀ ଶିବରାଜ ସିଂ ବିପକ୍ଷରେ ବୁଧନୀରେ କଂଗ୍ରେସ ବିକ୍ରମ ମାସ୍ତାଲ ମୁକାବିଲା କରିବେ । ମାସ୍ତାଲ ୨୦୦୮ରେ ଆସିଥିବା ରାମାୟଣରେ ହନୁମାନ ଭୂମିକାରେ ଅଭିନୟ କରିଥିଲେ । ତେବେ ଶିବରାଜ କଂଗ୍ରେସ ପ୍ରାର୍ଥୀଙ୍କୁ ହରାଇବେ ବୋଲି କହିଛନ୍ତି ।