ସହିଦଙ୍କୁ ଝୁରୁଛି ସାରା ଦେଶ

ଆଜି ଦେଶ ପାଳୁଛି ବିଜୟ ଦିବସ । ଭାରତ ଆଜି ୫୨ ତମ ‘ବିଜୟ ଦିବସ’ ପାଳନ କରୁଛି । ଦେଶର ବିଭିନ୍ନ ସ୍ଥାନରେ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଛି । ଦେଶବ୍ୟାପୀ ଭାରତୀୟ ସେନା ପାଳୁଛି ବିଜୟ ଦିବସ । ସହିଦଙ୍କୁ ଝୁରୁଛି ସାରା ଦେଶ । ୧୯୭୧ ଯୁଦ୍ଧରେ ଆଜିର ଦିନରେ ପାକିସ୍ତାନ ଉପରେ ବିଜୟ ଲାଭ କରିଥିଲା ଭାରତୀୟ ସେନା। ୧୯୭୧ ଡିସେମ୍ବର ୩ରେ ଭାରତର ୧୧ଟି ଏୟାରଫୋର୍ସ ଷ୍ଟେସନରେ ଏରିଅଲ ଷ୍ଟ୍ରାଇକ କରିଥିଲା ପାକିସ୍ତାନ। ପୂର୍ବ ପାକିସ୍ତାନରେ ଚାଲିଥିବା ମୁକ୍ତିଯୁଦ୍ଧରେ ସେହିଦିନ ଭାରତ ଏଣ୍ଟ୍ରି ମାରିଥିଲା। ଯୁଦ୍ଧ ୧୩ ଦିନ ଚାଲିଲା। ୯୦ ହଜାର ପାକିସ୍ତାନୀ ସୈନ୍ୟଙ୍କ ଆତ୍ମସମର୍ପଣ ସହ ଯୁଦ୍ଧ ଶେଷ ହୋଇଥିଲା। ବିଭାଜିତ ହୋଇଥିଲା ପାକିସ୍ତାନ। ସୃଷ୍ଟି ହୋଇଥିଲା ନୂଆଦେଶ ବାଂଲାଦେଶ।