ଭାରତର କୂଟନୈତିକ ବିଜୟ

ଗୁପ୍ତଚରଗିରି କରୁଥିବା ଅଭିଯୋଗରେ ଅଟକ ରଖିଥିବା ଭାରତର ୮ଜଣ ଅବସରପ୍ରାପ୍ତ ନୌସେନା କର୍ମଚାରୀଙ୍କୁ କତର ମୁକ୍ତ କରିଥିବା କଥା ଗତରାତିରେ ବୈଦେଶିକ ବ୍ୟାପାର ମନ୍ତ୍ରାଳୟ ସୂଚନା ଦେଇଛି।ବୈଦେଶିକ ବ୍ୟାପାର ମନ୍ତ୍ରାଳୟ କହିଛି ଯେ, ଘରୋଇ ପ୍ରତିଷ୍ଠାନ ଅଲ୍‌ ଦାହରା ଗ୍ଲୋବାଲ୍‌ କମ୍ପାନିରେ କାର୍ଯ୍ୟ କରୁଥିବା ଭାରତୀୟ ନୌସେନାର ୮ଜଣ ପୂର୍ବତନ କର୍ମଚାରୀଙ୍କ ମଧ୍ୟରୁ ୭ଜଣ କତରରୁ ଭାରତକୁ ଫେରିଛନ୍ତି।ଏ ସଂକ୍ରାନ୍ତରେ ଜାରି କରିଥିବା ବିବୃତିରେ ବୈଦେଶିକ ବ୍ୟାପାର ମନ୍ତ୍ରାଳୟ କହିଛି, ଦାହରା ଗ୍ଲୋବାଲ୍‌ କମ୍ପାନିରେ କାମ କରୁଥିବା ଯେଉଁ ୮ଜଣ ଭାରତୀୟ ନାଗରିକ କତରରେ ଅଟକ ଥିଲେ ସେମାନଙ୍କ ମୁକ୍ତିକୁ ଭାରତ ସରକାର ସ୍ବାଗତ କରୁଛନ୍ତି। ୮ଜଣଙ୍କ ମଧ୍ୟରୁ ୭ଜଣ ଭାରତରେ ପହଞ୍ଚିଛନ୍ତି।