ଡ୍ରୋନ ଦିଦି ଯୋଜନାର ଶୁଭାରମ୍ଭ

ଡ୍ରୋନ ଦିଦି ଯୋଜନାର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଆଗାମୀ ତିନି ବର୍ଷ ପାଇଁ ୧୫ହଜାର ମହିଳା ଏସଏଚଜିଙ୍କୁ ଡ୍ରୋନ ଦିଆଯିବ । କୃଷି କ୍ଷେତ୍ରରେ ଏହି ଡ୍ରୋନ ବ୍ୟବହାର କରାଯିବ । ଏହା କ୍ଷେତରେ କୀଟନାଶକ ସିଞ୍ଚନରେ ସହାୟକ ହେବ । ଏହି ଯୋଜନା ଦ୍ବାରା ଏସଏଚଜିଗୁଡ଼ିକ ବାର୍ଷିକ ଅତିରିକ୍ତ ଏକ ଲକ୍ଷ ଟଙ୍କା ରୋଜଗାର କରିପାରିବେ ବୋଲି ଆଶା ରହିଛି ।ଦେଶର ମହିଳାମାନଙ୍କୁ ଶିକ୍ଷା ଏବଂ ଆର୍ଥିକ କ୍ଷେତ୍ରରେ ସଶକ୍ତ କରିବା ପାଇଁ ପ୍ରଧାନମନ୍ତ୍ରୀ ମୋଦିଙ୍କ ସରକାର ସମସ୍ତ ପ୍ରକାରର ଚେଷ୍ଟା କରୁଛି । ଏହି ପରିପ୍ରେକ୍ଷୀରେ ପ୍ରଧାନମନ୍ତ୍ରୀ ମୋଦିଙ୍କ ଅଧ୍ୟକ୍ଷତାରେ ହୋଇଥିବା କ୍ୟାବିନେଟ ବୈଠକରେ ମନ୍ତ୍ରୀମଣ୍ଡଳରେ ଏକ ନୂଆ ଗୁରୁତ୍ୱପୂର୍ଣ୍ଣ ଯୋଜନାକୁ ମଞ୍ଜୁରୀ ମିଳିଛି । ଏହା ଅଧିନରେ କେନ୍ଦ୍ର ସରକାର ଆଗାମୀ ୩ ବର୍ଷରେ ୧୫ ହଜାର ମହିଳାଙ୍କୁ ସ୍ୱୟଂ ସହାୟକ ଗୋଷ୍ଠୀ ଜରିଆରେ ଡ୍ରୋନ ପ୍ରଦାନ କରାଯିବ ।