ଅପରେସନ ପ୍ରସପରିଟି ଗାର୍ଡିଆନ୍’ ଅଭିଯାନ ଆରମ୍ଭ

ଜଳଦସ୍ୟୁମାନେ ଲାଇବେରିଆର ଏକ ପଣ୍ୟବାହୀ ଜାହାଜକୁ ଆକ୍ରମଣ କରିଥିଲେ। ଏଥିରେ ୧୫ ଜଣ ଭାରତୀୟ କ୍ରୁ ସଦସ୍ୟ ଥିଲେ। ସୂଚନା ପାଇଁ ଅବିଳମ୍ବେ ଭାରତୀୟ ନୌସେନାର କମାଣ୍ଡୋ ବା ମାର୍କୋସମାନେ ସାହସିକ ପଦକ୍ଷେପ ନେଇ ଏହାକୁ ସୁରକ୍ଷା ଦେଇଥିଲେ। ତେବେ ଜଳମାର୍ଗରେ ଆକ୍ରମଣ ବୃଦ୍ଧି ପାଉଥିବାରୁ ଭାରତ ଆରବ ସାଗର ଏବଂ ଆଡ଼େନ ଉପସାଗରରେ ଏହାର ସୁରକ୍ଷା ବ୍ୟବସ୍ଥାକୁ ବଢ଼ାଇ ଦେଇଛି। ୧୦ରୁ ଅଧିକ ଯୁଦ୍ଧପୋତକୁ ଉତ୍ତର ଓ କେନ୍ଦ୍ରୀୟ ଆରବ ସାଗରରୁ ଆଡ଼େନ ଉପସାଗର ମଧ୍ୟରେ ରଖାଯାଇଛି। କେବଳ ଜଳଦସ୍ୟୁ ନୁହେଁ ସମ୍ଭାବ୍ୟ ଡ୍ରୋନ ଆକ୍ରମଣକୁ ପ୍ରତିହତ କରିବା ପାଇଁ ମଧ୍ୟ ଏହା କରାଯାଇଛି। ଭାରତ ନିଜ ପକ୍ଷରୁ ସ୍ବାଧୀନ ଭାବେ ଏହାର ସୁରକ୍ଷା‌କୁ ବଢ଼ାଇଛି। ଉଲ୍ଲେଖଯୋଗ୍ୟ, ଲୋହିତ ସାଗରରେ ଗତ ଡିସେମ୍ବରରେ ୟେମେନର ହୁଥି ବିଦ୍ରୋହୀମାନେ ଆକ୍ରମଣ କରିବା ଫଳରେ ଆମେରିକା ନେତୃତ୍ବରେ କେତେକ ଦେଶ ‘ଅପରେସନ ପ୍ରସପରିଟି ଗାର୍ଡିଆନ୍’ ନାମରେ ଅଭିଯାନ ଆରମ୍ଭ କରିଛନ୍ତି। ଭାରତ ଏଥିରେ ସାମିଲ ହୋଇନାହିଁ।