ମଶା ଧୂପର ଧୂଆଁ ଶୁଙ୍ଘିବା ୧୦୦ଟି ସିଗାରେଟ୍ ଟାଣିବା ସହ ସମାନ

ବର୍ଷାଦିନେ ବଢ଼ିବାରେ ଲାଗିଛି ମଶାଙ୍କ ସଂଖ୍ୟା। ଏହା ଡେଙ୍ଗୁ ଏବଂ ମ୍ୟାଲେରିଆର ଆଶଙ୍କା ବଢ଼ାଇଥାଏ । ବେଳେବେଳେ ମଶାର ଭୟ ଏତେ ବଢିଯାଏ ଯେ ଆମେ ରାତିରେ ମଧ୍ୟ ଶୋଇପାରିବେ ନାହିଁ । ଫଳସ୍ୱରୂପ, ମଶା କାମୁଡ଼ାରୁ ନିଜକୁ ରକ୍ଷା କରିବା ପାଇଁ ଆମେ ତୁରନ୍ତ କ୍ରିମ୍, କଏଲ୍ ଇତ୍ୟାଦି ବ୍ୟବହାର କରୁ। କିନ୍ତୁ ଆପଣ ଜାଣନ୍ତି କି ମଶା ପ୍ରତିରୋଧକ ଆପଣଙ୍କ ସ୍ୱାସ୍ଥ୍ୟ ପାଇଁ କେତେ ବିଷାକ୍ତ। ଆମେ ଏହା କହୁନାହୁଁ, ବରଂ ଏହି କଥା ବିଶେଷଜ୍ଞ ମାନେ ବିଶ୍ୱାସ କରନ୍ତି।ଡକ୍ଟର କହିଛନ୍ତି ଯେ ଲୋକମାନେ ଏହାକୁ ବ୍ୟବହାର କରିବା ଦ୍ୱାରା ମଶା କାମୁଡିବା କମିପାରେ, କିନ୍ତୁ ପରିବେଶ ଏବଂ ସ୍ୱାସ୍ଥ୍ୟ ବିଷାକ୍ତତା ମଧ୍ୟ ବଢି ଥାଏ । ମଶା କାମୁଡ଼ିବାର ଆଶଙ୍କା ବିଷୟରେ ଚିନ୍ତା କରିବା ଠିକ୍ କିନ୍ତୁ ଗୋଟିଏ ରୁମରେ ମଶା କଏଲ୍ ଜାଳିବା ପ୍ରାୟ ୧୦୦ ସିଗାରେଟ୍ ଟାଣିବା ସହିତ ସମାନ ଅଟେ। କଏଲ୍ ରୁ ବାହାରୁଥିବା ଧୂଆଁ ଆମ ସ୍ୱାସ୍ଥ୍ୟ ପାଇଁ ଅଧିକ କ୍ଷତିକାରକ ଅଟେ। ଏହା ସ୍ପଷ୍ଟ ଯେ ସିଗାରେଟ ଟାଣିବା ଜଣେ ବ୍ୟକ୍ତିଙ୍କ ସ୍ୱାସ୍ଥ୍ୟ ଉପରେ ନକାରାତ୍ମକ ପ୍ରଭାବ ପକାଇଥାଏ।ସେହିଭଳି କଏଲ୍ ଧୂଆଁର ସଂସ୍ପର୍ଶରେ ଆସିବା ଫୁସଫୁସରେ କର୍କଟ ରୋଗ ଭଳି ସ୍ୱାସ୍ଥ୍ୟ ଉପରେ ଅଧିକ ଗୁରୁତର ପ୍ରଭାବ ପକାଇଥାଏ। ଏହା ବ୍ୟତୀତ ଶ୍ୱାସରୋଗ, ଶ୍ୱାସ ନେବାରେ ଅସୁବିଧା ଭଳି ସମସ୍ୟା ହୋଇପାରେ। ଏହିପରି ସ୍ୱାସ୍ଥ୍ୟ ବିପଦକୁ ଏଡାଇବା ପାଇଁ ବନ୍ଦ ସ୍ଥାନରେ କଏଲ୍ ଜଳାଇବା ଠାରୁ ଦୂରେଇ ରୁହନ୍ତୁ। ମଶା ଆକ୍ରମଣର ଋତୁ ଆସିଲେ ମଶା ଘଉଡାଇବା ଜରୁରୀ ଅଟେ।