ଭାରତୀୟ ରେଳବାଇ ଦ୍ୱାରା ଚିହ୍ନଟ ହୋଇଥିବା 48 ଟି ପ୍ରମୁଖ ସହର ମଧ୍ୟରୁ ଭୁବନେଶ୍ୱର, ପୁରୀ ଏବଂ ବିଶାଖାପାଟଣାକୁ ନେଇ ଏକ ବ୍ୟାପକ ଯୋଜନା କାର୍ଯ୍ୟକାରୀ ହେଉଛି। ଏହି ପରିକଳ୍ପନାରେ ମଞ୍ଜୁରିପ୍ରାପ୍ତ, ପ୍ରଗତିରେ ଥିବା ଓ ପ୍ରସ୍ତାବିତ କାର୍ଯ୍ୟଗୁଡ଼ିକ ସମ୍ମିଳିତ ରହିଛି, ଯାହା ନିର୍ଦ୍ଦିଷ୍ଟ ସମୟସୀମାରେ ଟ୍ରେନ ପରିଚାଳନା କ୍ଷମତା ଦୁଇଗୁଣ କରିବାକୁ ଲକ୍ଷ୍ୟ କରିଛି।
2030 ସୁଦ୍ଧା କ୍ଷମତା ଦ୍ୱିଗୁଣିତ କରିବାର ଯୋଜନା ଥିବା ବେଳେ, ଆଗାମୀ ପାଞ୍ଚ ବର୍ଷ ମଧ୍ୟରେ କ୍ଷମତାକୁ କ୍ରମଶଃ ବୃଦ୍ଧି କରାଯିବ, ଯାହା ଦ୍ଵାରା କ୍ଷମତା ବୃଦ୍ଧିର ଲାଭ ତୁରନ୍ତ ହାସଲ ହୋଇପାରିବ। ଏହା ବର୍ଷ ବର୍ଷ ଧରି ଟ୍ରାଫିକ ଆବଶ୍ୟକତାକୁ କ୍ରମଶଃ ପୂରଣ କରିବାରେ ସାହାଯ୍ୟ କରିବ। ଏହି ଯୋଜନାରେ କାର୍ଯ୍ୟଗୁଡ଼ିକୁ ତିନୋଟି ବର୍ଗରେ ବର୍ଗୀକୃତ କରାଯିବ, ଯଥା, ତୁରନ୍ତ, ସ୍ଵଳ୍ପକାଳୀନ ଏବଂ ଦୀର୍ଘକାଳୀନ।
ପ୍ରସ୍ତାବିତ ଯୋଜନାଗୁଡ଼ିକ ସ୍ପଷ୍ଟ ସମୟସୀମା ଓ ନିର୍ଦ୍ଦିଷ୍ଟ ଫଳାଫଳ ସହିତ ହେବ। ପୂର୍ବତଟ ରେଳପଥ ଏହାର ସମସ୍ତ ମଣ୍ଡଳଗୁଡ଼ିକରେ ଟ୍ରେନ୍ ପରିଚାଳନା କ୍ଷମତା ବୃଦ୍ଧି କରିବାକୁ ଯୋଜନା କରୁଛି, ଯାହା ଦ୍ୱାରା କେବଳ ଭୁବନେଶ୍ୱର, ପୁରୀ ଏବଂ ବିଶାଖାପାଟଣାରେ ଟର୍ମିନାଲ କ୍ଷମତା ବୃଦ୍ଧି ନୁହେଁ, ବରଂ ଷ୍ଟେସନ ଏବଂ ୟାର୍ଡରେ ସେକ୍ସନାଲ୍ କ୍ଷମତା ଓ କାର୍ଯ୍ୟ ଦକ୍ଷତା ମଧ୍ୟ ପ୍ରଭାବଶାଳୀ ଉନ୍ନତ କରାଯିବ।